Ehli_muslim [Off] (22.09.2012 / 21:14)
624-cü il 13 mart Cümə günü səhər tezdən hər iki ordu Bədr quyularına doğru irəlilədi. Müsəlmanlar bu quyuların başına daha tez çatdılar. Müşriklərin tərəfindəki quyular tamamən qurudulub tutuldusa da, Peyğəmbər (Allahın ona salavat və salamı olsun) düşmənin öz tərəflərindəki quyudan su götürmələrinə icazə vermişdir. Cahiliyyə adətlərinə görə döyüş başlamazdan əvvəl hər iki tərəfdən döyüşçülər çıxıb bir-birlərinə meydan oxuyurdular. Müşriklər tərəfindən Əsvəd adındakı şəxs ortaya çıxmış bir döyüşçü istəmişdir. Ona qarşı Həmzə (r.a) çıxmış və onu öldürmüşdür. Bundan sonra Qureyşin irəli gələnlərindən Ütbə bin Rəbiə qardaşı Şeybə və oğlu Vəlid ortaya atıldılar. Bunların qarşısına Mədinəli gənclərdən üç nəfər çıxınca, kim olduqlarını soruşmuş və onlara: “Siz bizim tayımız deyilsiniz, bizim qövmümüz və qəbiləmizdən olan adamlar çıxsın demişdilər”.

Qureyş kafirlərinin bu istəklərinə görə Həmzə , Əli və Übeydə bin Haris (Allah onlardan razı olsun) çıxdılar. Həmzə və Əli (Allah onlardan razı olsun) rəqiblərini dərhal öldürdülər. Übeydə isə rəqibini yaraladı və özü də yaralandı. Onun köməyinə gələn Həmzə və Əli (Allah onlardan razı olsun) dərhal Ütbəni öldürüb yaralı yoldaşlarını oradan uzaqlaşdırmışdılar.