Ehli_muslim [Off] (22.09.2012 / 21:15)
Bu mübarizələrin sonunda tərəflər bir-birlərinə hücuma keçdilər. Artıq günortaya doğru müsəlmanlar tarixdə iz qoyan bir qələbə qazanmışdılar. Savaş sona çatmışdı. Müsəlmanların və xüsusilə də Peyğəmbərin (Allahın ona salavat və salamı olsun) ən böyük düşməni olan Əbu Cəhl başda olmaqla müşriklərin bir çox başçıları da öldürülmüşdü. Müşriklərdən yetmiş nəfər qətlə yetirilmişdi. Müsəlmanlar isə on dörd şəhid vermişdilər. Peyğəmbər (Allahın ona salavat və salamı olsun) namazlarını qıldırdıqdan sonra Allah yolunda canlarını verən bu ilk şəhidlər torpağa basdırıldı. Müsəlmanlar Qureyşin ölülərini də basdırdılar.

Məkkəli müşriklərdən bir neçə nəfər əsir alınmışdı. Ancaq Allah Təala hələ əsirlər haqqında hökm bildirməmişdir. Peyğəmbər (Allahın ona salavat və salamı olsun) əsirlərlə necə davranacağını əshabələri ilə məsləhətləşmişdi. Əshabələrdən bəziləri bunların dərhal öldürülməsini təklif edərkən, bəziləri də fidyə qarşılığında sərbəst buraxılmalarını təklif etdilər. Fidyə olaraq müşriklərdən oxumaq və yazmaq bilməyən 10 nəfərə hərfləri öyrətmələri istənildi. Əsirlər müsəlmanlar arasında paylandı.