Ehli_muslim [Off] (01.11.2012 / 21:45)
Həqiqətən Uca Allah öz peyğəmbəri Muhəmmədi e ka­mil, asan, əhatəli və bəndələr üçün faydalı olan şəriət ilə gön­dər­miş­dir. Sonra Peyğəmbər e Mədinədə İslam dövlətini möh­kəm­ləndirdi, şəriət məsələləri öz yerini tutdu, müsəlmanları bir əsas və məzhəb üzərində birləşdirdi. Onların arasında, əvvəlki za­manların ixtilaflarından qalan kiçik məsələlər istisna olmaqla, heç bir fikir ayrılığı yox idi. Bu kiçik məsələlərin həllində elm adamları üçün ictihad etmək və sərbəst fikir yürütməyə geniş yer vardır. Hər halda Müctəhidin savab qazanmaqda payı vardır. Peyğəmbər e buyurmuşdur: Hakim hökm verərkən ictihad edərək düzgün nəticəyə gələrsə, ona iki savab, xata edər­sə bir savab vardır. İctihad edilməsi qadağan olunan mə­sə­lələr əqidə (etiqad) və mənhəc (metodologiya) məsələləridir. Nə Peyğəmbərin e dövründə səhabələr arasında, nə də Əbu Bəkr və Ömər (Allah onlardan razı olsun!) dövründə bu iki məsələdə heç bir fikir ayrılığı baş verməmişdir. Həqiqətən səhabələr vahid əqidə və mənhəcə (metoda) malikdilər.