Ehli_muslim [Off] (01.11.2012 / 21:49)
Peyğəmbər (sallallahu aleyhi və səlləm) demişdir: “Dində həddi­ni­zi aşmaqdan çəkinin”. Xəvariclərin zəlalətə düşməsinə və haqq yoldan azmasına səbəb məhz həddini aşmaq xisləti ol­muş­dur. Onlar hədlərini aşdılarına görə haqq yoldan azdılar. Ona görə də Peyğəmbər (sallallahu aleyhi və səlləm) buyurmuşdur: “On­­lar Dindən oxun ovlanmış şikardan çıxdığı kimi çıxa­caq­lar”. Yəni, kimsə ova ox atdıqda, ona dəyərsə, o, şikarın bir tərəfindən batıb digər tərəfindən çıxar. Peyğəmbər (sallallahu aleyhi və səlləm) də onları atılan oxa bənzətmişdir. Elə bil ki, onlar İslama tez daxil olmuş və oxun ovun digər tərəfindən çıxdığı kimi İslamdan çıxmış olurlar.
Peyğəmbər (sallallahu aleyhi və səlləm) buyurmuşdur: “Dində həd­dinizi aşmaqdan çəkinin, çünki bu sizdən əvvəlkiləri həlak et­­mişdir”. Yəni, həddinizi aşmaqdan qorunun, çünki əvvəlki üm­mətlər dində həddini aşdılar və zahid həyatı sürdülər, Uca Allah­ın onlara vacib etmədiyi şeyləri özlərinə vacib etdilər və Allah da onlara qarşı tələbkarlığını artırdı. Bu məsələnin təf­si­la­tı­na getməyəcəyik, çünki mövzu böyükdür. Peyğəmbər (sallallahu aley­hi və səlləm) buyurmuşdur: “Çünki o (həddini aşmaq) sizdən əv­vəl­kiləri həlak etdi. Onların qanlarını tökməyə və qadınlarını ha­lal görməyə vadar etdi”. Həmçinin Peyğəmbər (sallallahu aleyhi və səlləm) belə buyurmuşdur: “Həqiqətən də bu din güclüdür. Ona gö­rə dinin içində diqqətlə irəlilə. Çünki, yükünü ağır edən çox uza­ğa getməz miniyini də həlak edər.”