Aybaşı fazasının gigiyenası. Cinsiyyət orqanlarının gigiyenası bu fazada da aybaşıarası müddətdə olduğu kimidir, amma ona riayət olunmasına tələbkarlıq bu zaman daha yüksəkdir. Məsələ burasındadır ki, aybaşı zamanı orqanizminin müqaviməti hətta ən “zərərsiz” amillərə qarşı belə azalır. Bu vəziyyət cinsiyyət orqanları arasında özünü xüsusilə büruzə verir. Məsələn, soyuq suda çimmək, rütubət yerdə dincəlmək, günəş şüalarının uzunmüddətli təsiri, turist gəzintiləri zamanı çox cəld hərəkətli oyunlar və idman məşğələləri, uzun müddət velosiped sürmək, acı-turş xörəklər yemək yumurtalıqların, uşaqlığın və onun boruların iltihabına və eləcə də uşaqlıqdan güclü qanaxmalara səbəb ola bilər. Bununla yanaşı, aybaşı zamanı ifrata vararaq yorğan-döşəkdə hərəkətsiz qalmaq da yaramaz. Bu zaman qadının fiziki qüvvəsinin bir qədər azalmasını nəzərə almaq, sadəcə olaraq adi, normal həyat tərzini davam etdirmək, yalnız isti geyinib, xüsusilə ayaqları, bel

nahiyəsini, qarının aşağı hissəsini soyuqdan qorumaq, fiziki işi bir qədər yüngülləşdirmək lazımdır.

Aybaşı vaxtı tənzif və pambıqdan hazırlanan altlıqdan və ya fabrikdə bu məqsədlə hazırlanmış standart altlıqdan istifadə etmək, altlığı vaxtaşırı, qan hopduqca dəyişmək lazımdır.

Bu dövrdə gündə 3-4 cinsi sabun və qaynadılmış ilıq su ilə xarici cinsiyyət orqanlarını yumaq vacibdir. Selikli qişada qıcıqlanma olduqda yuyunmaq üçün çobanyastığı (çay) dəmləmələrindən, duşdan istifadə etmək məsləhətdir. Hamama getmək, vannada çimmək olmaz. Alt paltarlarını hər gün, islandıqda isə gündə bir neçə cinsi dəyişdirmək lazımdır.

Aybaşı vaxtı cinsiyyət orqanlarını imalə balonu ilə yumaq məsləhət görülmür, çünki bu zaman təsadüfi infeksiyalar uşaqlığın açıq vəziyyətdə olan boynundan daxilə keçərək çox ciddi, ağır xəstəliklər əmələ gətirə bilər. Həmçinin bu zaman cinsi əlaqə də qəti surətdə qadağandır. Bu həm qanaxmanın artmasına və həm də uşaqlığa infeksiyanın keçməsinə səbəb ola bilər