Ilahi, səbirlər dözdümü buna !
Nə qədər müsibət gəldi başına.
Millət qan axıtdı torpaq-daşına,
Indisə bu səbrin vaxtı tamamdır.
Faciə olanda doğulanların,
Indisə on doqquz yaşı tamamdır.
O çöldə süngiylə doğrananların,
Indisə on doqquz yaşı tamamdır.
Bu millət nə qədər müsibət görüb,
Nə qədər ölüm-itim, soyqırım görüb,
Gələcək sayılan uşaqlar ölüb,
Gör neçə insanın ömrü tamamdır.
Xocalı çölləri qana boyandı,
Insanlar dəhşətdən ekən oyandı,
Körpələr laylasız ,anasız qaldı,
Indisə on doqquz yaşı tamamdır.
Nə qədər qaniçən olasanki, sən,
Uzaqda qalasan bir an rəhimdən .
Mərhəmət yox oldu ürək ,gözündən,
Düşmənə bu qədər möhlət tamamdır.!
Xocalı dərd yükü, qeyrət yüküdür,
Tarixin ən ağır dəhşət yüküdür,
Millətin sonuncu hüzn ilidir,
Bu qədər bəs edər , Millət tamamdır!!
Çox çəkdi başımız qan-qada bizim,
Qələbə , qurtuluş olacaq bizim !
Gözünü oyub sən düşmənimizin ,
Hər yerə bəyan et daha tamamdır !
Buna mən əminəm , bu gün gələcək,
Haqqını almağa qalxıb gedəcək .
Bundan sonrasını Allah biləcək,
Onun rizasıyla hər şey tamamdır.
23. II. 2011.