Dünyada nəyin var onun olacaq,
Səninki olanı istə qardaşım.
Səninki bir canın,başın olacaq,
Canınla ,başınla yaşa qardaşım.
Yükündən artığı çəkmə yox xeyir,
Bir yandan ziyandir gördüyün xeyir,
Xeyirdən aldığın o cüzi gəlir,
Yenə də bəs etməz inan qardaşım.
Ağrısı qalacaq çəkdiklərinin,
Yükü cox olacaq çiyinlərinin,
Ha çalış,ha vuruş əkdiklərinin,
Yiyəsi çıxacaq vallah qardaşım.
Qurumuş bir çölü cənnətdə etsən,
Yenədə kasıbsan, yenədə “lütsən”
Qədərdən,qismətdən uzağa getsən,
Qismətdən artığın yoxdur qardaşım.
Kiminin evi var oturanı yox,
Kimisi ev gəzir götürəni yox,
Kiminin ağzı var yiyəcəyi yox,
Kimidə məhrumdur bundan qardaşım.
Mizanı pozulmaz tərəzi kimi,
Çəkəcək qədəri olduğu kimi,
Ya artıq,ya əskik olduğu kimi,
Artıqdan əlin üz, yoxdur qardaşım .
Görürük həyatın sərt tərəfini,
Vururuq əyri-düz biz hədəfini,
Olmadı bir açan sirr kələfini,
Beləcə qalacaq sirrli qardaşım.
Açılmış çiçəkdir bir gun solacaq,
Ətrini itirib iysiz qalacaq,
Beləcə yaranıb belə qalacaq,
Sən yaşa ömrünü xoşbəxt qardaşım.

08.XI.2011