Bismillahir Rehmanir - Rehim.
Ruh
İmam Sadiq (ə): "Ruhlar bədənlə qarışmışlar. Bədənə söykənikli deyillər, əksinə bədəni araya alıb əhatə edirlər."
İmam Sadiq (ə): "Ruh, üzərinə qalın bədən geyindirilmiş zərif, incə bir cisimdir."
İsra, ayə 85: "Səndən ruh barədə soruşsalar, de ki, ruh mənim Rəbbimin əmrindəndir və elmdən sizə az bir miqdardan başqa bir şey verilməmişdir."

Ruhlar hazırlıqlı əsgərlərdir
Allahın Peyğəmbəri (s): "Ruhlar hazırlıqlı əsgərlərdir. Tanış ruhlar qarşılıqlı ünsiyyətə girir, tanış olmayan ruhlar isə bir-birindən ayrılırlar."
İmam Əli (ə): "Dostluq, ruhların ünsiyyəti sayəsində qəlblərin bir-birinə olan meylidir.
Şəqiq ibn Səlmə: "Bir kişi həzrət Əmirəl-mömininin (ə) yanına gəlib onunla söhbət edir və söhbət əsnasında deyir: "Mən sizi sevirəm." Əli (ə) buyurur: "Yalan deyirsən." Ərz etdi: "Niyə ey möminlərin ağası?" Buyurur: "Öz qəlbimdə sənin məhəbbətini tapmıram." Allahın Peyğəmbəri buyurmuşdur: "Ruhlar fəzada bir-biri ilə görüşür və bir-birilərini qoxuyurdular. Bir-birini tanıyanlar bir yerə yığılır və tanış olmayanlar isə ayrılırdılar."

Ruhun halları
İmam Əli (ə): "Bədənin altı halı var: sağlamlıq, xəstəlik, ölüm, həyat, yuxu və oyaqlıq. Ruhda belədir: Həyatı onun elmi, ölümü onun nadanlığı, xəstəliyi isə onun şəkkidir. Sağlamlığı onun əminliyidir, yuxusu onun qəfləti və oyaqlığı onun dərrakəsidir."

Yuxu vaxtı ruhun halları
İmam Əli (ə) Əbu Bəsirin "Yuxu vaxtı ruh bədəndən çıxırmı?" - sualına cavabından: "Xeyr, ey Əbu Bəsir! Çünki ruh bədəndən ayrılsa bir daha ona qayıtmaz. Ancaq ruh səmanın ortasında günəş kimidir, onun şüası hər yerə saçar."
İmam Kazim (ə): "İnsan yatanda onun heyvani ruhu bədəndə qalır. Ondan çıxan isə əql ruhudur."