Əziz ziyarətçilər, hekayə 4 hissədən ibarətdir. İnşallah maraqlı olar. Belə bir aforzm gəldi dilimə: "Qoyun da olsan, qurbanlıq olma". Tarixə keçdim artıq bu aforizmlə. Gülməli günlər diləyi ilə...
1.GÜN


Sevgili gündəliyim, bugün bayramın ilk günüdür. 10 gündür ki, əlimdən gələni edib, bir təhər işi burcurtmağı bacardım. Tövlədən qaçdım, hər gün özümü xəstəliyə vurdum. Bəxtim də üzümə güldü, bu günə qədər sağ qalmışam. Amma bu iş zarafat deyil haaa. Hər an biri gəlib orama-burama baxıb, yanımda duran zırpıdan çəkimi soruşa bilər. O da məni hələ də sata bilmədiyi üçün hirsindən partlayır axı. Aşağısı 10 kilo yuxarı deyəcək çəkimi. Avam insan da inanar, məni alar aparar evinə. Evin ərköyün balası 1 gün mənimlə oynayar, filan, bəşməkan, səhərisi gün dədəsi BİSMİLLAH deyib, bıçağı dayayar boğazıma. O anda həyatım gözlərimin önündən film kimi keçər. Film də bir film ola eee. Elə eyni kadrlar gedir: ot yeyirəm, ətrafa baxıram, ot yeyirəm ətrafa baxıram... Dünyaya gəl, bir neçə il ot ye, sonra da səni yesinlər! Nə gözəl həyat...
2. GÜN:


Sevgili günlüyüm, mən eşşəyəm. Qoyunam eee yenə, amma eşşəyəm. Sənə dünən nə demişdimsə, hamısı oldu, necədi? İndi birinin baxçasındayam. Bu saata qədər bayramlaşma idi, gələn-gedən oldu, baş qarışdı, məni kəsmədilər. Amma bu iş 100% sabaha həll olunacaq eee. Kəsəcəklər ee məni, ay gündəlik, eşidirsən? Öküz olsaydım, sahibimdən qaçardım, küçələrdə terror eliyərdim. İspaniya buğaları kimi. Bütün telekanallar məni göstərəcəydi. Ən azından ölmədən əvvəl məşhur olardım. Amma xasiyyətim buğa kimi sərt deyil ki. Qoyun gəlmişəm, qoyun da gedəcəm.
3. GÜN:


Gündəlik, inanmayassan, amma hələ də həyatdayam. Bu gədələr deyəsən məni kəsməyəcək axı. Zarafat eliyirlər Şüşədən baxıb gülüşürlər.


Deyəsən son gündə məni yollayacaqlar o dünyaya. Düz deyirsən! Bu dəfə işim uruscaxdı. Sabah yəqin görüşməyəcəyik. Haqqını halal et!
4. GÜN:


Gündəlik, mənəm mən. Qorxdun? Hahaha!!! Kəfəni yırtdım, qaqa!!! Bu səhər əslində gedirdim ta əməlli başlı. Day-day bıçağı zadı hazırladı qəşəngcə, qoydu yanıma. Bu dəfə dedim "vəssalam, gedirəm". Ağzımla quş tutsam da xeyri yoxdu eee. Kəsiləcəm bu gün. Sonra "nə dedim mən bayaq öz-özümə?" dedim. Ağzımla quş tutmaq!!! WOW! Bunu bacarsam, ağzımda quşla ömür billah kəzməzlər məni. Quş qripi!!! Hahaha! O saat yanımda hərrənən quşdan xahiş etdim. Gəl iki dəqiqə ağzımda dayan, sonra hara istəyirsən uç, başına dönüm. Quş kapriz çıxdı. "Ay sənin kəllənə" deyib, kəsilirdim ki, nəcisini düz kəlləmə buraxdı. Bun görən sahibim panikaya düşdü, quş qripindən qorxub məni küçəyə buraxdı. Babam deyərdi ki, quş nəcisi uğurludu, inanmazdım. Bayram buna deyərəm eee, gündəlik!


Dəyməyin kefi - məəə- məə- məəə!!!