Bir anda gözlərini hər şeyə bağlayan, səni səndən alan müəmmadır sevgi. Sənin olub içində sevgilini yaşadan çılğın ürəyin, dünyaya sevgilinin gördüklərini görə bilmək üçün baxan, qəmli olduğu qədər də sevincdən parlayan gözlərindir sevgi.Ürəyində səni bitirib yox edən, sevgilinin qulaqlarında eşidilməkdən çəkinən ünvansız sözlərindir sevgi.Canını belə əsirgəməyəcəyin sevgilidən "səni sevirəm" kəlməsini əsirgəyən acizliyindir sevgi.Sevməyi bacarmayanların sevgini inkar edən çarəsizlikləridir sevgi. Sevgilinin sevincinə sevinib, kədərinə səni boğan, bəzən gözlərindən səbəbsiz yaşlar axıdan tanımadığın hisslərindir sevgi. Hər gecə qurduğun xəyalların, içində heç sönməyəcək ümidlərin; Xəyalının itməməsi üçün gözlərini qırpmağa belə cəhd etmədiyin qorxularındır sevgi.Sevgilini düşünmək üçün işıqlı gündüzlərini qurban verdiyin zülmət gecələrindir sevgi. Onsuz bir heç olduğunu düşündürüb səni dəyərdən salan, yanında olsa belə onsuzluğu sənə unutdurmayan duyğularındır sevgi.Sevgilinin əllərinə belə toxunmağın həsrətini çəkərək içində boğduğun ehtiraslarındır sevgi. Çünki SƏNİN saflığının, təmiz duyğularının verdiyi bəhrədir SEVGİN! Yaşanmamış günlər üçün sevgiliyə rüşvət verdiyin vədlərindir sevgi. Ayrılığın ölümə bərabər olmasına səni inandırıb, ayrılıqda xatirələrin verdiyi əzablarla səni baş- başa qoyan yalanlarındır sevgi. Səni heç kəsə və heç nəyə əyilməyə qoymayan, sevgilinin qarşısında isə özü diz çökən qürurun, Sevgilinin varlığı ilə hayatına gətirdiyi xoşbəxtliyindir sevgi. Həmişə sənin olması üçün durmadan əl açıb, yalvarışlarla etdiyin dualarındır sevgi.Budurmu sevgi?Bəlkə də heç yaşamadığım bir hissdir sevgi əgər budursa onda. Bizi bir can edən Sevgimizdir.Sevgi həm Sənlə, həm də Sənsizdir. Birlikdə bəslədiyimiz məchul "körpəmizdir" SEVGİM SƏNƏ sonsuz dəyər verən ÜRƏYİMDİR!!!