Kədərlənmə!
Kədərlənə bilirsənsə bir ürəyin var deməkdir. Ürəksizlər kədərlənməzlər ki. Nə xoşbəxt sənə ki, kədərlənə bilirsən. Toxunan var demək ki ürəyinə. Ya toxunulmasaydı ürəyinə. Ya hüznün könül torpağını qarışığına icazə verilməsəydi. Demək ki gözdən çıxarılmadın. Demək ki sən hələ bir ümid tarlasısan.

Kədərlənmə!
Kədərlənirsənsə, Biri var ki cılız varlığını düşdüyü palçıqdan qaldırmaq istəyir. Onun üçün toxunur ürəyinə. Qiymətini bil ki, üzməyə dəyər görür səni. Hüznlərin ürəyinin torpağını alaq-bulaq edirsə, sən əkilməyə layiq bir torpaqsan deməkdir. Qayğıların vuruşuyla duz buz olursa daş qatılığında böyütdüyün zəmanətlərin, yarılan sinəsinə ümid cücərtiləri tikilir deməkdir.

Kədərlənmə!
Üzün yerdə gəzirsənsə, əllərin boyuna sarılı isə, içini istilədəcək xəbərlərin mürəkkəbi damlıyır olmalı ömürünün dəftərinə. Qar yağırsa güvəndiyin dağlara, sabahın düzənliklərində rəngarəng çiçəklərin olacaq deməkdir. Tündxasiyyət fırtınalar sarsıdırsa sevinclərinin zirvəsini, küləklər döyürsə ümidinin yamaclarını, bir uca dağsan sən demək ki, az gözlə, ətəyindən sərin mənbələr axmağa başlayacaq demək ki…

Kədərlənmə!
Kədərlənirsənsə,qürurun çirkli tələsinə düşə bilməzsən. Özünü bəyənmişliyin palçığına gəzməz ayaqların. Uzaq keçərsən üsyanlı yollardan. Həvəslərinin ardı sıra düşüb uçurumlarının başına süründürülməzsən. Səni Biri yaxınlığına çağırır demək ki… Gözdən çıxarmamış olmalı səni.

Kədərlənmə!
Kədərlənirsənsə, bir müqəddəs təsəlli qapısının qarşısında gözlədilirsən deməkdir. Gözlərini qaldır vəfasız dünyanın eşiyindən. Könlünün əlindən çıxar səbəblərin boş avuntularını. Ümidini kəs saxta doymalardan. Ürəyini küsdür coşğulardan. Qapı açıldı açılır deməkdir.

Kədərlənmə!
Kədərlənirsənsə, itirəcəyin bir şeylər var demək ki… İtirəcəyi bir şeyi olanlar çoxdan qazanmışlar. Əlinə keçməyənləri saymaqla tükətmə nəfəsini, əlindəkiləri saymağa başla. Hamısını saysan belə, nəfəsini saymağa nəfəsin çatmayacaq deməkdir. Bax işdə zənginsən.

Kədərlənmə!
Səni bir "Eşidən" var. Səni, sənin özünü belə sevməyindən əvvəl O sevdi. Sənin özünü belə bilmədiyin unudulmuş quyularından çəkib çıxardı səni. Ürəyinin hər yanğınına O yetişir. Ayrılıqlarına və çətinliklərinə metal soyuqluğundakı plazalar kimi əhəmiyyətli hesab etməz deyil O. İtirdiklərinin hamısını sənə qaytaracağına söz verir.

Kədərlənmə!
Varlığının bədəninə cızıqdır hər hüzn. Varlığından xəbər verər kədərin. Xatırlayarsanmı, bir zamanlar xatırlanmağa dəyər bir şey belə deyil idin. Heç əhəmiyyətli hesab olunmadan zibilə atıla biləcək çirkli bir su ikən sən, üzünə bir tək O baxdı. Kəslərin axtarıb soruşmadığı, əhəmiyyət verib adını bir kənara yazmadığı o günlərdə, Sənin adını ilk O andı. Səni yanına aldı. Həmişə yanında oldu. Sən səni unudub da başını yastığa qoyduğunda belə, səni hər dəfə səhərə çıxardı. Sən Onu dəfələrlə unutdun amma O səni əsla unutmadı.

Kədərlənmə!
ONun ən sevdiyi qulu da tək qaldı. Daşlandı. Sürtüldü. Yaralandı. Aç susuz qaldı. Yuvasına uzaqdan göz yaşları içində baxdı. Mağarada tək və qorunm az idi.Sənin kimi kədərlənən yol yoldaşına sonsuz müjdələr verən təbəssümüylə pıçıldadı: "La tahzen, innAllahe meana."

Kədərlənmə!
Qaldır üzünü yerdən. Çiyinlərindən sarsıdıb özünə gətirmək istəyir səni Sevgili. "Rəbbin sənə küsmədi ki…" Gözlərinin içinə içinə bax sevdiklərinin. "Rəbbin səni unudub tək buraxmadı ki…"