MƏKTƏB-Bizi güclü edən yer.
Biz orta məktəbə nə üçün gedirik? Bu haqda fikirləşənləriniz olubmu heç? Düşünəcəksiz ki, bu nə axmaq sualdır, getməliyik də. Hər şey bu sualdan başlayır əslində. Doğulandan sonra bir müddət ailədə bizi tərbiyə edirlər. Çox vaxt tərbiyə yox sadəcə böyüdürlər. Bir müddətdən sonra bizi bağçaya, məktəbə qoyurlar. Bala oxumaq lazımdır deyib 11 il bizi könülsüz məktəbə göndərir valideyinlərimiz. Arada bir də oxuyun adam olun deyirlər bizə.
Məktəbə getmək, Oxumaq nə üçün lazımdır axı buna cavab verəcəksən ya yox?
İnsan təbiətdə (Loru dillə desək : meşələr, çaylar, dəniz və okeanlar, ildırım, zəlzələ, külək və qasırğaların olduğu quru, su, hava ilə əhatə olunmuş məkan) və cəmiyyətdə (mehriban, adamayovuşmaz, əsəbi, mülayim, səmimi, yalançı, tündməcaz, rəhimli, qaradinməz, və s. xarakterli insanların birgə yaşadığı yer) doğulur. Doğulan insan təbiətin, cəmiyyətin işlərindən baş çıxarmalıdır. Əks halda məhv olub gedər.
Qədimdə insan övladını uşaq vaxtında özü ilə ova aparardı ki, böyüyəndə ov edib qarnını doyurmağı bacarsın, acizlikdən məhv olmasın. Bu işi indi məktəblər həyata keçirir. Məktəb ona görə var ki, orada biz təbiətdə və cəmiyyətdə yaşamaq üçün, məhv olmamaq üçün biliklərlə silahlanaq.
MƏKTƏB OLMASA İDİ:
* Bizi xəstələnəndə sağaldan həkimlər olmazdı və beləcə adi xəstəlikdən gəbərib ölərik.
*Mühəndislərimiz evi necə tikmək lazım olduğunu bilməzlərdi və beləcə ibtidai yerlərdə yaşamalı olarıq.
*Texnika, texnologiyadan əsər əlamət olmazdı. Adicə bir telefon kəşf olmasa idi narahat qaldığımız bir adamdan xəbər gələnə kimi saatlarla gözləyərdik (xaricə gedibsə, günlərlə, aylarla) və beləcə narahatçılıq bizi əldən salardı.
ve s.

Çox bəsit yazılsa da, ümid edirəm ki, az da olsa məktəbin bizim həyatda yaşamağımız üçün nə qədər vacib olduğunu anlada bildi.