"Yezid rəhbərimiz, Hüseyn düşmənimizdir"
"İraq-Şam İslam
dövləti" adlanan
terror təşkilatı
şiələri hədələyib.
İraq Şam "İslam
dövləti"nə yaxın
saytlar sözügedən
terror təşkilatının
bəyanatını yayımlayıblar. 313news.net-in
"abna"ya istinadlı məlumatına görə,
bəyanatda bildirilir ki, "İslam dövləti" əməvi
xəlifəsi olmuş Yezid ibn Muaviyəni (l) özünə
lider hesab edir və İmam Hüseyni (ə) özünə
düşmən hesab edir. Bildirilir ki, İmam
Hüseyn (ə) müsəlmanların haqq xəlifəsi olan
Yezidə qarşı qiyam etməklə İslam vəhdətinə
zərbə vurmaq məqsədi güdürdü: "Şiələr isə
o vaxtdan bu günə qədər məhərrəm ayında
şirk mərasimləri təşkil edərək Yezidin
hədəflərini tənqid edirlər. İslam dövləti şəri
vəzifəsini yerinə yetirərək məhərrəm yası
tutan şiələri öz imamlarına
qovuşduracaqdır".
Terror təşkilatı bəyan edib ki, bu
mərasimlərə qatılan sünniləri də eyni aqibət
gözləyir: "Siz də şiələrin matəm
mərasimlərinə qatılacağınız təqdirdə,
aqibətiniz onlardan fərqli olmayacaq. Şiələrlə
birgə olduğunuz təqdirdə tövbəniz qəbul
olunmayacaqdır".
"İslam dövləti" Səudları da bu mərasimlərin
təşkilinə qarşı mübarizə aparmağa çağırıb.
Sonda isə şiələrə bir daha xəbərdarlıq
ünvanlayıb: "Biz, xəlifəmiz Yezidin təhqir
olunmasına dözə bilmərik. Digər bir tərəfdən
Hüseyn (ə) və tərəfdarları Yezidlə
düşməndirlər. Təbii olaraq, onlar bizim
hədəfimizdədirlər".
Qeyd edək ki, sözügedən terror təşkilatı hal-
hazırda Suriyada prezident Bəşər Əsədin
qüvvələrinə qarşı vuruşmaqdadır.