Qur’an-da buyrulur: «Ey iman gətirənlər! Allahı çox yad edin, Ona hər səhər və axşam təsbih deyin.» 1. Allahın Peyğəmbəri (s): «Çoxlu Qur‘an oxumağı və Allahı çox yad etməyi sənə tövsiyə edirəm. Çünki bu, sənin üçün səmada ad (və şöhrət) və yerdə nurdur.» 2. İmam Əli (ə): «Allahı gizlində yad edən kəs Allahı çox yad etmişdir.» 3. İmam Sadiq (ə): «Bacardığınız qədər gecə və gündüz, hər an, hər saat Allahı çox yad edin. Çünki Allah-taala özünü çox yad etməyi əmr etmişdir.» 4. İmam Sadiq (ə): «Xanım Fatimeyi Zəhranın (ə) təsbihi Allah -taalanın «Allahı çox yad edin.» kəlamında buyurduğu həmin çox zikrlərdəndir.» 1. Allahın Peyğəmbəri (s): «Adəm övladı dünya həyatında Allahın anmadan keçirdiyi hər bir anına görə Qiyamət günü təəssüflənəcək.» 2. İmam Əli (ə): Şəban ayının dualarında: «İlahi, məni Səni yad etməyə məftun və divanə et, mənim səyimi Sənin qalib adlarının ruhuna və müqəddəs dərgahına tərəf yönəlt.» 3. İmam Əli (ə): «İlahi! Səndən Məhəmməd və onun ismətli Əhli-Beytinə salam göndərməyi və məni daim Səni yad edənlərdən, Sənin əhdini pozmayanlardan etməyini diləyirəm.» 4. İmam Əlinin (ə): vəfat edərkən oğlu Həsənə (ə) belə tövsiyyə etmişdi: «Bütün hallarda Allahı yad et.» 5. İmam Sadiq (ə): «Musa (ə) ərz etdi: «Ey Rəbbim! (Bə‘zən) Elə bir halda oluram ki, sənin şənini, məqamını Səni yad etməyimdən daha ali bilirəm.» Allah buyurdu: «Ey Musa! Məni bütün hallarda yad et.»