Bəzi dardüşüncəli insanlar oğlan uşaqları olmadığı təqdirdə nəsillərinin kəsiləcəyinə güman edir və həyat yoldaşlarını bunun əsas səbəbkarı bilirlər.Hətta bəzi ailələr bu səbəbdən ayrılmalı olurlar.Allah Qurani-Kərimdə "Kövsər" surəsini nazil etməklə bu kimi fikirlərin əsassız olduğunu sübut etdi.Bildiyimiz kimi,Peyğəmbərin(s.ə.s) oğlan övladı yox idi.Buna görə də bəzi cahil ərəblər Həzrəti Məhəmmədin(s.ə.s) nəslinin davam etməyəcəyini və onun sonsuz olduğunu bildirirdilər.Ərəblər arasında oğlan övladı olmayan şəxsə "əbtər (tərcümədə quyruğu olmayan qoyun demekdir),yəni sonsuz deyirdilər.İslamın yayılmasından narahat olanlar sevinirdilər ki, Peyğəmbər(s.ə.s) vəfat etdiyi zaman oğlu olmadığı üçün din yaşamayacaq və onun fikir və ideyaları məhv olunacaq.Bu cür fikirlərə cavab Allah "Kövsər" surəsini nazil etdi:
"(Ya Peyğəmbər!) Həqiqətən,biz sənə Kövsər bəxş etdik!Ona görə də Rəbbin üçün namaz qıl və qurban kəs!(Sənə sonsuz deyən) düşmənin özü sonsuzdur!"
Bəli,Peyğəmbəri oğlu olmadığı üçün sonsuzluqda ittiham edənlərin,"oğlan övladlarının çoxluğu" ilə fəxr edənlərin nəsilləri tarixin səhifələrində əriyib yox oldu.
Peyğəmbərimizin (s.ə.s) nəsli isə bugünədək davam etməkdədir.

Odur ki,həyat yoldaşlarına oğlan sifarişini verən kişilər bilsinlər ki, əhəmiyyət kəsb edən övladın cinsi deyil,nəsli təmsil edəcək layiqli şəxsiyyət olmasıdır.