Sevgilim,bu gün mən səni tərk edirəm.Qəribədir deyilmi?Həmişə tərk edilən mən idim,ama bu dəfə tərk edən oldum...Bu misraları yazarkən əllərim titrəyir,hönkür-hönkür ağlamaq keçir ürəyimdən.Amma buna baxmayaraq gedirəm.Səni səninlə baş-başa qoyub gedirəm...

Daha mənim səsimi duymayacaqsan,üzümü görməyəcəksən,əllərim əlinə dəyməyəcək,sevgilim.Çünkü mən səni tərk edirəm.Sevincinlə,kədərinlə səni yalnız qoyuram.Səni mənsiz qoyuram.Səni mənsizliyə məhkum edirəm.Sən məni bir zamanlar məhkum etdiyin üçün gedirəm,sevgilim.

Qəlbim daşdandır deyə düşünürsən?Hə..onu daşa sən çevirdin,sən!Bax elə buna görə gedirəm sevgilim,buna görə gedirəm.Bir daha geri dönməmək şərti ilə gedirəm..."Sən güclüsən.Məni unuda biləssən."-yadındamı,bu sözləri mənə sən demişdin.İndi isə mən deyirəm,sevgilim.Unut məni.Sən bunu bacaracaqsan...