İslam övladı üçün öncə şəhadətdi Namaz,
Pak olan qəlbə qida, ruha şəfaətdi Namaz,
Şəriət hökmünə əllbəttə itaətdi Namaz,
Səcdə et, yığ yükü-yük üstünə sərvətdi Namaz,
ALLAHa səcdədi, Peyğəmbərə hörmətdi Namaz.
O namaz ki, onu göylərdə Mələklərdə qılır,
Rəbbinə səcdə edən bəndələr hər yerdə qılır,
Dəstə-dəstə yığılıb Kəbəyə bir yerdə qılır,
Müstəqim yol ki deyirlər, ona dəvətdi Namaz.
ALLAHa səcdədi, Peyğəmbərə hörmətdi Namaz.
O namaz ki, onu vaxtilə Peyğəmbər qılmış,
Tanrının şiri, o həqq aşiqi heydər, qılmış,
On bir övladı ilə, Fatimə ibtər qılmış,
Dur qoşul səndə bu sıx cərgəyə, vəhdətdi Namaz,
ALLAHa səcdədi, Peyğəmbərə hörmətdi Namaz.
Səni aldatmasın aləmdəki bu cahu cəlal,
Xaliqi zikr edən ol, eyləmə şeytanı xəyal,
Hər azan vaxtı pak ol, niyyət elə, dəstnamaz al,
Həmdi, İxlası oxu, ayəti qayətdi Namaz.
ALLAHa səcdədi, Peyğəmbərə hörmətdi Namaz.
Tanrı nuru yaradıb zülməti tərk etmək üçün,
Zülməti xəlq elədi fərqini dərk etmək üçün,
Namaz əmr