Başımızın üstünü bəlalar aldı
Neçə arzumuza çatmadıq Allah
Sən bizi həmişə haqq yola çəkdin
Bizsə şər-böhtanı atmadıq, Allah

Qoşulub dünyanın qeylü-qalına
Hey aldandıq yaşılına-çalına
Biz düşdük şeytanın, cinin dalına
İmamlardan bir dost tutmadıq Allah

Kəramət hər şeyin göstərib həddin
Hər zaman, həmişə düz yola getdin
Sən bizə çox yaxşı Allahlıq etdin
Biz sənə bəndəlik etmədik Allah!