Qarışqaların əksər növlərində işçi qarışqalar arasında əmək bölgüsü vardır. Məsələn başı çox böyük olan və daha iri qarışqalar keşikçilərdir. Onlar qarışqa yuvasının giriş yolları ağzında durur və öz başı ilə bu yolu tutur. Yuvaya qayıdan işçi qarışqa qapalı giriş yoluna yaxınlaşdıqda bığcığı ilə keşikçinin başına vurur. Bundan sonra keşikçi onu tanıyırsa yuvaya buraxır, yox tanımırsa yuvaya buraxmır. Keşikçi qarışqalar bəzən başqa növ qarışqaların yuvalarına hücum edir. Genişlənmiş qarıncığı olan işçi qarışqalar çiçəklərdən şirə və ya arı pətəklərindən bal sorur, onu yuvaya gətirir, həmin şirəni və ya balı ağzından qaytarıb qusur və onunla başqa işçi qarışqaları yemləyir. Bir qisim işçi qarışqalar yuvada “mənənə” (bitki biti) saxlayır. “Mənənə”lərin ifraz etdiyi şirə qarışqalar üçün çox ləzzətli yemdir. Lazım olduqda qarışqalar ayaqları ilə “mənənə”ni “qıdıqlayıq”, o, dərhal şirə buraxır və qarışqa həmin şirəni yeyir. Tropik ölkələrdə yayılan bəzi qarışqa növlərində işçi qarışqalar