Forrest, Forrest Qamp... Zəka səviyyəsi yaşıdlarından aşağı olan Forrest kiçik yaşlarından məktəbə qəbul olunmaqda, uşaqlarla dostluq etməkdə çətinlik çəkir. Ona səmimi davranan yeganə dostu isə Cennidir. Bir-birini sevməyə başlayan uşaqlar böyüdükcə uzaqlaşmağa başlayır və tamam fərqli yaşam tərzinə sahib olurlar. Cenni arzuladığı kimi səhnəyə çıxır, gitara çalır, lakin onu həyatı göründüyü qədər sadə deyil... Forrest isə zəka geriliyinə baxmayaraq ard-arda uğurlara imza atır, əsgərlikdə böyük şücaət göstərir, şirkət sahibi olur, tanınır. Ən əsası isə Forrestin uşaqlıqdan vərdiş etdiyi xasiyyətidir- Forrest qaçır, hara, nə səbəbə, bilinmir... O, sadəcə qaçır.