Film kiçik bir qızın nənəsindən qarın necə yağdığını soruşmasıyla başlayır. Bu zaman nənəsi ona Edvardın hekayəsini danışır. Yaşlı bir ixtiraçı Edvardı yaradıb ona can verir, lakin əllərini düzəldib qurtarmamış həmin adam ölür. O zamandan Edvard tək-tənha yaşayır. Lakin bir gün Peq adlı bir qadın onu görür və öz evində yaşamağı təklif edir. Edvardın günü insanların saçını kəsmək, dekorativ ağaclara forma verməklə keçir. Zaman keçdikcə Edvard evində yaşadığı Peqin Kim adlı qızına vurulur. Amma Kimin sevgilisi Edvarda pislik etməyə çalışır. Təəssüf ki, qəsəbənin adamları da artıq Edvarddan üz döndərməyə başlayır.