Mininin haqqını biri yeməsə,
Hər şeyi yerində görərsən yəqin.
Birinin dalınca mini deməsə.
Doğru söz deyilər yerində yəqin.
Birinin dalınca min hədyan deyir,
Birini lap erkən torpağı yeyir.
Birisi könədir, biri ilk sevir,
Ilk sevgi yaddaşdan silinməz yəqin.
Bu dünya özütək sirr dağarıdır,
Zəiflər yaşayan suç mağarıdır,
Güclünün qətlinə tor məkarıdır,
Bu mağar dağılar gün gələr yəqin.
Nə qədər baş kəsdi bu cəllad dünya,
Kimisi yatmadı, görmədi röyya,
Cəhənnəm yuxusu oldu bu dünya,
Gün gələr cənnətdə yuxlayar yəqin.
Həyat bir ritmdir, hey hərəkədə,
Bir artım görmürsən heç bərəkətdə,
Qol-qıçın sınacaq ,ol hərəkətdə,
Gün gələr dincələr bədənin yəqin.
Bu nədir qalıbdır insanlar çaş-baş,
Gah tufan dağıdır, gah ağılsız baş.
Nə ayaq bilinir, nədə ki, bu baş,
Baş başa keçəcək gün gələr yəqin.
Cəhalət havası gəlir yenidən,
Beləcə qurulub həyat binədən ,
Doyunca dadsaydı dünya sevgidən,
Bu qədər soyuqluq olmazdı yəqin.
Çox haqqlar