Azərbaycanda bəzi şirkətlərin hesabından külli miqdarda pul oğurlayan nigeriyalı haker barəsində İnterpol xətti ilə axtarış elan edilib

Bu barədə APA-ya İnterpolun Azərbaycandakı Milli Mərkəzi Bürosundan məlumat verilib.

Məlumata görə, Nigeriya vətəndaşı olan 25 yaşlı Antoni Ubimago Azərbaycanda kompyuter və informasiya texnologiyaları sahəsində cinayətlərdə iştirakda təqsirli bilinir.

Mütəşəkkil cinayətkar dəstənin üzvü olan Antoni Ubimago Azərbaycanda fəaliyyət göstərən bəzi şirkətlərin hesabından külli miqdarda pul oğurlayıb. “Boz istiqamət” üzrə axtarışda olan Antoni Ubimagonun boyu 1.45 sm-dir.