Sən getsən arxanca durub gəlmərəm,
Dözərəm həsrətə,inan ölmərəm,
Yalvarıb qolundan tuta bilmərəm,
Ürəyin nə zaman istiyir,çıx get.

Məgər bizim kimi ayrılan azdı?
Fələk bəxtimizə ayrılıq yazdı,
Demə sənin sevgin çaydı,-dayazdı,
Qəlbin dərin ümman istiyir,çıx get.

Bu beş ildə qəlbin təlaş bilmədi,
Nədi dava,nədi savaş bilmədi,
Mənimlə gözlərin,heç yaş bilmədi,
Əgər gözün leysan istiyir,çıx get.

Sinənə döyməki,mən çox beləyəm,
Son sözü mən deyim,məndə eləyəm,
Özün bil,qəbul et,ya yox,beləyəm
Kefin başqa oğlan istiyir,çıx get.