Eşitdim sevgilim nişanlanmısan
Səni saf ürəklə təbrikə gəldim
Eşqimin oduna gizli yanmısan
Bunun səbəbini bilməyə gəldim.

Ax! Kimə qıydın o qara qaşları
Fəryadı ağladır dağı-daşları
Son dəfə olaraq o göz yaşları
Qədəhlə doldurub içməyə gəldim.


Mübarək sevgilim çoxdur mübarək
Əkilsin yolunda min gül min çiçək
Həyatın ən gözəl günlərini çək
Sənə bu sözləri deməyə gəldim.


Qapını hər zaman xoşbəxtlik döysün
Kədər çırağının işığı sönsün
Görüm toy şərabı zəhərə dönsün
Mən də o zəhərdən içməyə gəldim.