Yenə gözlərindən yaşlar süzülür Yəqin həsrətindəsən ötən günlərin Yoxsa uzaqdanmı belə görünür? Bəlkə heç yadına düşmürəm sənin Daha gəlməyirik hər gün üz-üzə Biz birgə ağlayıb, birgə gülərdik Kaş əvvəlki kimi bir-birimizə Sevirəm sözünü deyə bilərdik Həyat maraqlıydı bizimçün onda Çox gözəl keçərdi görüşlərimiz Tez-tez danışardıq biz telefonda Beləcə keçərdi xoş günlərimiz Qədrini bilmədik həmin günlərin İndi ikimiz də dərd içindəyik Bizdən uzaqlaşan qəmli sevginin Həm titrək bir sözün həsrətindəyik Gözlərin yollarda yar izindədi Bilirsən qayıtmaz bir də ömrünə Tək sən yox, şəriyyət qəm içindədi Qələm də baxmayır artıq sözünə Bütün şerlərin hər sətirində Sən onu axtarıb, onu dilədin Sevdiyin həmin qız özgə evində Sənsə öz evində onu gözlədin*****