Gülümsə taleyim...

Doğulub, yaşadım cəfa içində,
Ömrümüz əkindir, nəfəs biçində,
Ağlama, kədəri soyut içində,
Gülümsə taleyim, çəkirəm səni.
Aclıqda-toxluqda olub bilirsən,
Yollarda yolları yorub gəlirsən,
Toparla özünü, yaman gərginsən,
Gülümsə taleyim, çəkirəm səni.
Mən uşaq olanda bildim çətinlik,
Özümdə tapmışam artıq mətinlik,
Unud dərdlərini, unud hələlik,
Gülümsə taleyim, çəkirəm səni.
Həyatda ağsınız, həm də ki, qara,
Düşmüsən dağlarda soyuq borana,
Tökürəm məlhəmi qanlı yarana,
Gülümsə taleyim, çəkirəm səni.
Tanrıdan dilərəm mən yüksəlişi,
Tapmışam həyatda xoşbəxt dönüşü,
Gülümsə, parlayır ömrün günəşi,
Gülümsə taleyim, çəkirəm səni,
Gülümsə taleyim, çəkirəm səni...