Son 10 mövzu

  1 dekabr Ümumdünya QİÇS-lə mübarizə günüdür.

bal_qiz [Off] (01.12.2010 / 19:04)

1 dekabr Ümumdünya QİÇS-lə
mübarizə günüdür. Hazırda
dünyada xəstəliyə yoluxanların
sayı sürətlə artır. Son
hesablamalara əsasən, hazırda
dünyada 33 milyondan çox insan
QİÇS -ə yoluxub.
Azərbaycanda da vəziyyət
ürəkaçan deyil. Bu yöndə aparılan
araşdırmalar nəticəsində məlum
olub ki, rəsmi rəqəmlərə görə,
ölkədə artıq virus daşıyıcılarının
sayı 1200-ü keçib. Təkcə 2007-ci
il ərzində Azərbaycanda 300
nəfərdə QİÇS virusuna yoluxma
faktı aşkar edilib.
Xatırladaq ki, gələn il QİÇS
epidemiyasının başlanmasının 30
ili tamam olacaq. BMT baş katibi
Pan Gi Mun dünya ictimaiyyətinə
müraciətində deyib ki, gələn ilki
ildönümü beynəlxalq ictimaiyyəti
düşünməyə və qətiyyəti
artırmağa vadar edir. Onun
sözlərinə görə, ötən üç onillik
ərzində QİÇS görünməmiş
məşəqqət və ölümlərə səbəb
olub.

bal_qiz [Off] (01.12.2010 / 19:07)

BMT Baş Katibi Pan Ki-Munun 1
dekabr - Ümumdünya AİDS (QİÇS)
Günü münasibəti ilə müraciəti
yayılıb. Müraciətdə G.Mun bildirib
ki, bu gün daha az insan HİV-ə
yoluxur, daha az insan QİÇS-dən
vəfat edir. Bu nailiyyətlər dünyada
QİÇS-ə qarşı mübarizə aparan
insanlar sayəsində əldə edilib.

bal_qiz [Off] (01.12.2010 / 19:07)

«Hökumətlər HİV-nin qarşısını
almaq, müalicə etmək, qayğı və
dəstəkdən istifadə imkanlarının
genişləndirilməsinə dair vədlərini
yerinə yetirirlər. Lakin, bu hələ
başlanğıcdır. Biz bununla
arxayınlaşmamalıyıq.

bal_qiz [Off] (01.12.2010 / 19:08)

QİÇS tezliklə yox olmayacaq.
İnsanların HİV-yə yoluxması
onların müalicə olunmasından
daha tez baş verir. QİÇS hələ də
dünyada ölümün on əsas
səbəblərindən biri, Afrikada isə
birinci məhvedici xəstəlikdir».

bal_qiz [Off] (01.12.2010 / 19:08)

Pan Ki Mun qeyd edib ki, hazırda
əsas çağırış əldə edilən liderliyi
saxlamağa yönəlib və əldə edilən
naliyyətlər daha da inkişaf
etdirilməlidir. «Biz hələ də bir çox
insan tərəfindən HİV-in qarşısının
alınması və müalicə edilməsinin
öyrənilməsinə əngəl törədən
stiqma və ayrı-seçkiliyə son
qoymalıyıq. Buna görə də,
icmalara və bütün xalqlara real
təsir edə biləcək xidmətləri
göstərmək üçün kifayət qədər
resurslara ehtiyac duyuruq».

bal_qiz [Off] (01.12.2010 / 19:09)

O,
Ümumdünya QİÇS Günündə QİÇS-
siz gələcək yaratmaq naminə
fəaliyyət göstərən və bunu təşviq
edən “ümid verən”lər qrupunun
nümayəndəsi olmağa səsləyib.

bal_qiz [Off] (01.12.2010 / 19:11)

Bu gün “Azərbaycanda İİV –
infeksiyası/QİÇS-ə aid profilaktika,
müalicə və sosial dəstəyə
universal əl çatma tədbirlərində
Əmək və Əhalinin Sosial Müdafiəsi
Nazirliyinin rolu” mövzusunda
seminar keçirilib. APA-nın
məlumatına görə, Əmək və
Əhalinin Sosial Müdafiəsi
Nazirliyinin (ƏƏSMN) beynəlxalq
əməkdaşlıq şöbəsinin müdiri
Elnur Sultanov bildirib ki,
Beynəlxalq Əmək Təşkilatının bu il
keçirilən 99-cu sessiyasında QİÇS-
ə qarşı mübarizə ilə bağlı ölkələrə
tövsiyələr verilib.

bal_qiz [Off] (01.12.2010 / 19:11)

Həmin tövsiyə
Azərbaycana da təqdim edilib. E.
Sutanovun sözlərinə görə, ƏƏSM
həmin tövsiyələrə nəzərə alaraq,
ölkə səviyyəsində tədbirlərin
icrasına başlayıb .

bal_qiz [Off] (01.12.2010 / 19:12)

Respublika QİÇS-ə Mübarizə
Mərkəzinin direktoru Həqiqət
Qədirova isə deyib ki, ilk dəfə
1981-ci ilin iyunun 5-də ABŞ-da 5
gəncin İnsanın
İmmunçatışmazlığı Virusuna (İİV)
yoluxma ilə bağlı məlumat verilib.
1988-ci ildə isə 1 dekabr BMT
tərəfindən Ümumdünya QİÇS-lə
Mübarizə Günü elan edilib.

bal_qiz [Off] (01.12.2010 / 19:12)

Mərkəz direktorunun sözlərinə
görə, bu xəstəliyə cinsi yolla daha
çox yoluxulur. Tatuaj, qulaq
deşmə də yoluxmanın
mənbəyidir , hava-damcı yolu ilə
isə bu xəstəliyə yoluxulmur.

  Cemi mesajlar: 41

[1] 2 3 ... 5 >>

Elave edilmiş fayl yoxdur

Forum
Forumda axtar