Son 10 mövzu

  Tohveler,nesihetler,revayetler,hedisler ve s...

1Fanidunya [Off] (01.11.2010 / 12:18)

Müxtəliflik, ixtilaf və fərqlilik amilləri.
Allah yer üzündə qoyduğu bu müxtəliflik qanunlarını anlamaq çox önəmlidir. Çünki Allah təala insandan tutmuş bütün xəlq etdiklərini müxtəlif olaraq yaratmışdır. İrqləri, qanları, surətləri, rəngləri, dilləri, dinləri, millətləri və sairə kimi bir çox sifətləri müxtəlif olaraq dünyaya gətirmişdir. Ən əsası isə düşüncə, qavrama, fikirləşmə və dərk etmə tərzində də hamı fərqlidir. Bu fərqliliyi dərk (fiqh) etmək, və düzgün qiymətləndirmək gərəkdir. Çünki fikir və rəy ixtilafı münasibəti və səmimiliyi pozmamalıdır. Fikirlər fərqlənsə də, qəlbləri fərqləndirməməlidir. Bizdən daha xeyirli olan səhabələr belə öz aralarında çox ixtilaflar etmişlər, amma bu, onların arasındakı münasibətdə fərqlilik və intriqa yaratmamışdır. Bir-birlərinin arxasında namaz da qılmışlar, bir araya da gəlmişlər, məşvərə də etmişlər, bir savaşda döyüşmüşlər və daim bir-birinə hörmətlə yanaşmışlar.

1Fanidunya [Off] (01.11.2010 / 12:19)

Allahın kainatda yaratdığı və buyurduğu qanun-qaydalardan dərk edilməsi gərəkən daha çox şeylər vardır. Onlardan biri və ən önəmlisi də Qurani Kərimi dərk etməkdir. Onun ayələrini, oxunuşunu, buyuruq və hikmətlərini araşdırmaq və anlamaq. Qurani Kərim ilə həyatı inşa etməyə çalışmaqdır.
Bu mövzuda daha ətraflı, növbəti sayda…

1Fanidunya [Off] (01.11.2010 / 12:19)

davamı olacaq inşallah

1Fanidunya [Off] (01.11.2010 / 12:20)

Qurani-Kərim müsəlman və ya mömin olmazdan əvvəl ümumən insanlığa xitab edib və insanı ən üstün saymışdır. Həmçinin bütün zülmlər və haqsızlıqlardan sonra ən doğru şəkildə qadını dəyərləndirən, onun qədir və qiymətini bariz halda bildirən Qurani-Kərim olmuşdur.
Qurani-Kərim bizlərə nəyi demək istəyir, məqsədi nədir və onunla necə davranmalıyıq – deyə heç özümüzə sual vermişikmi? Əgər vermişiksə, heç olmazsa onca dəqiqə oturub bu məsələ haqqında düşünmüşükmü? Yoxsa sadəcə “Allah -Təalanın göndərdiyi müqəddəs həyat kitabıdır” deyə qəbul edərək kifayətlənmişik? Sadəcə Quranı oxumaq və onun ayələrinin mənasından təəccüblənməklə iş bitirmi, məqsəd həyata keçirmi?
Islam ümmətini, İslam millətini Qurani-Kərim seçir, Quran əqidənin əsasıdır, şəriətin mənbəyidir, əxlaqın özəyidir, bütün dəlil və sübutların məsdəridir.

1Fanidunya [Off] (01.11.2010 / 12:21)

Qurani-Kərimin ən əsas xüsusiyyətlərindən bunlardır;
- Asan, səlis və anlaşılacaq dildədir. İbtidai təhsili olanla ən biliklisi də onu oxuya və hər biri də ona lazım olanı qədər götürə bilir. “Biz Quranı sənin dilində asanlaşdırdıq ki, onlar öyüd-nəsihət ala bilsinlər” (əd-Duxan, 58) “Biz Quranı yada salmaq üçün asanlaşdırdıq. Amma heç bir yada salan varmı?” Bu ayə Qəmər surəsində 4 dəfə təkrarlanır.
- Quran aydındır və aydınlaşdırandır. O sanki bir nurdur. Əslində Quran elə nurdur, həyatımızı aydınlaşdıran, işıqlandıran və inşası üçün saçan bir nurdur. “Ey insanlar! Sizə Rəbbinizdən bir dəlil gəldi və Biz sizə parlaq bir nur (Quran) nazil etdik.” (ən-Nisa, 174). “Elə isə Allaha, Onun Elçisinə və nazil etdiyimiz Nura (Qurana) iman gətirin!” (Təğabun, 64).

1Fanidunya [Off] (01.11.2010 / 12:21)

- Əbədidir, dəyişilməzdir və mühafizə olunur. “Şübhəsiz ki, Zikri Biz nazil etdik, əlbəttə, Biz də onu qoruyacağıq” (Hicr, 9) “Həqiqətən, bu, əzəmətli bir Kitabdır. Nə önündən, nə də arxasından batil ona girişə bilməz. O, Müdrik, Tərifəlayiq Allah tərəfindən nazil edilmişdir.” (Fussilət, 41-42).
- Əvəz olunmaz, təkrar olunmaz və möcüzəvidir. “Əgər doğru söyləyirlərsə, qoy ona (Qurana) bənzər bir kəlam gətirsinlər.” (Tur, 34). “De: "Əgər doğru danışırsınızsa, Ona bənzər uydurulmuş on surə də siz gətirin...” (Hud, 13) “De: "Əgər insanlar və cinlər bu Qurana bənzər bir şey gətirmək üçün bir yerə toplaşıb, bir-birinə kömək etsələr də ona bənzərini gətirə bilməzlər"” (İsra, 88).
- Kamil və hər şeyi özündə şamil edən bir kitabdır. “Bu Quran uydurulmuş bir kəlam deyildir. Ancaq özündən əvvəlkiləri təsdiqləyən və hər şeyi müfəssəl izah edəndir; iman gətirən bir camaat üçün hidayət və mərhəmətdir.” (Yusuf, 111). “Biz Kitabı sənə hər şey üçün bir izah, müsəlmanlara da doğru yolu göstəricisi, m...
Ardını oxu >>

1Fanidunya [Off] (01.11.2010 / 12:22)

Həqiqətən də Qurani-Kərim möcüzəvi bir kitabdır. Bu kitab islahedici, qanunlaşdırıcı, əqidəni doğruldan bir qüvvəyə malikdir. Təəssüf ki, bizdən öncəki səmavi kitablar dəyişdirilmiş və əlavələrə məruz qalmışdır. İlahi buyuruğa uydurmalar artırılmış, ibadət olunacaq tək rəbbə deyil öz nəfslərinə uyaraq hərəkət etmişlər. Halbuki hər bir peyğəmbər qövmünə yalnız tək olan Allaha ibadət etməyi bildirmək üçün göndərilmişdir. “O dedi: "Ey qövmüm! Allaha ibadət edin. Sizin Ondan başqa məbudunuz yoxdur.” Bu ayə, müxtəlif peyğəmbərlərin dilindən Qurani Kərimdə 10 dəfə təkrarlanmışdır. Eyni mətnlə deyil, eyni məna ilə axtarsaq daha çox təkrarlandığını görərik.

1Fanidunya [Off] (01.11.2010 / 12:23)

Qurani-Kərimin ən incə özəlliklərindən biri də, insanı fərqləndirməsi, seçməsi və yüksək tutmasıdır. “Biz, Adəm övladını şərəfli və hörmətli elədik...” (İsra, 70). Onun irqinə, millətinə, rənginə və hətta dininə belə baxmayaraq, insan oğlu şərəflidir və məxluqatların arasından üstün seçilmişidir. Bunu bildirmək istəyir bizə Qurani Kərim. Mələklərin arasında rəbbimiz insanı ərz etmiş, üstünlüyünü bildirmişdir. Ona səcdə etdirmişdir. Hətta yaratmamışdan, yer üzündə bir xəlifə yaradacağını da onlara bildirmişdir. “Sənin Rəbbin mələklərə: “Mən yer üzündə bir xəlifə (canişin) yaradacağam”” (Bəqərə, 30). O xəlifə ki, Rəbbi yer üzünü və yer üzündə olan hər şeyi onun üçün xəlq etdi və onun ixtiyarına buraxdı. “Məgər Allahın göylərdə və yerdə olanları sizə ram etdiyini, Özünün aşkar və gizli nemətlərini sizə bol-bol verdiyini görmürsünüzmü?” (Loğman, 20).
Bir dəfə Peyğəmbərimiz (s.a.s) olan yerdən bir cənazə keçirdi, O (s.a.s) ayağa qalxdı. Ona (s.a.s) dedilər; Ya Rəsuləllah, o, yəhudi cənazə...
Ardını oxu >>

1Fanidunya [Off] (01.11.2010 / 12:24)

Quran oxumaq.
Qurani-Kərimi bütün başqa kitablardan fərqləndirən bir cəhət də var ki, onu sadəcə oxumaq belə ibadət sayılır. Təbii ki, Qurani Kərimi rəbbimiz buyurduğu kimi oxumaq bəyənilir. “Quranı da aramla oxu!” (Cin, 4). Amma, sadəcə oxumaqla, tilavət etməklə kifayətlənmək olarmı?! Rəbbimiz buyururki; “Bu mübarək Kitabı, insanların onun ayələrini düşünüb anlaması və ağıl sahiblərinin də ondan ibrət götürməsi üçün sənə nazil etdik.” (Sad, 29). “Məgər onlar Quran barəsində düşünmürlərmi? Əgər o, Allahdan başqası tərəfindən olsaydı, əlbəttə, onda çoxlu ziddiyyət tapardılar.” (Nisa, 82).

Çox zaman görürsən ki, Qurani-Kərim oxuyanlar onu tez bitirməyə çalışırlar, bir surəni oxuduqda onun sonuna tez çatmağa can atırlar, daha çox xətm etmək fikrindədirlər. Halbuki, bizdən qat-qat xeyirli və üstün olan bir dövrdə, səhabələrimiz, bizi saleh sələfimiz surənin sonuna çatmağa can atmazdı, 10 ayə oxusaydı, onu yaxşıca anlar, dərk edər, əzbərləyər, həyata keçirməyə çalışardış Ondan sonra nö...
Ardını oxu >>

1Fanidunya [Off] (01.11.2010 / 12:25)

Başqa bir ayədə Allah -Təala buyurur ki; “Allahın Kitabını tilavət edənlər, namaz qılanlar və özlərinə verdiyimiz ruzilərdən gizli və aşkar xərcləyənlər səmərəsiz olmayacaq bir ticarətə ümid edirlər ki, Allah onlara mükafatlarını tam olaraq versin, üstəlik də onlara Öz lütfünü artırsın. Həqiqətən, O, Bağışlayandır, şükürün əvəzini verəndir.” (Fatir, 29-30). Ayəni qısaca incələdikdə görürük ki, əvvəlcə Qurani-Kərimin ayələrini, Allahın buyuruqlarının oxuyanlar, araşdıranlar, dərk edənlər, ibadətlərini edənlər, buyurulan əməlləri edənlər sanki Allahla ticarət edirlər. Etdiklərinin qarşısında Allah -Təaladan umduqları şeylər vardır.
Əlbəttə bütün bunlar o demək deyil ki, ərəb dilinin mənasını bilməyən şəxs Quran oxumasın. Hər bir mömin bəndə Qurani-Kərimi ən azından üzündən oxumağı bacarmalıdır, bilmirsə öyrənməlidir, hər gün bir neçə ayə də olsa açıb onu oxumalı, Rəbbinin xitabından faydalanmalıdır. Sadəcə onu oxumaq belə möminə rəhmət və şəfadır.

  Cemi mesajlar: 219

<< 1 ... 15 16 [17] 18 19 ... 22 >>

Elave edilmiş fayl yoxdur

Forum
Forumda axtar