Bəsdi əzabına dözdüyüm gülüm,
Ya öldür bir yolluq, ya yaşat məni.
Qolunun üstünə alıb başımı,
Ya şirin layla de, ya oyat məni.

Çoxdan vurğunuyam qara günlərin,
Olmasın qəlbində qəmin kədərin.
İnanki əzizim yoxdu xəbərin,
Səninçün yaradıb bu həyat məni.

Sənsizlikdən yaşayıram zülümnən,
Qurtar məni bu bəlalı olümdən.
Nöqtə deyər tut sənAllah əlimdən,
Ya özünlə apar, ya da at məni..!