Bir dəfə bir kişi iki kiçik oğlunu mini-qolf oynamağa gətirir. Kassaya yaxınlaşan kişi soruşur:

— Biletin qiyməti nə qədərdir?

Kassada dayanan gənc oğlan cavab verir:

— Sizin üçün 3 dollar və 6 yaşdan yuxarı olan uşaqlar üçün də 3 dollar. 6 yaşdan kiçik uşaqlar üçün xidmət pulsuzdur. Övladlarınızın neçə yaşları var?

Kişi cavab verir:

— Birinin 3, digərinin isə 7. Beləliklə mən sizə 6 dollar ödəməliyəm.

Kassir maraqla soruşur:

— Cənab, siz o qədərmi zənginsiniz? Axı siz 3 dollar qənaət edə bilərdiniz. 7 yaşında olan oğlunuzun 6 yaşı olduğunu deyə bilərdiniz. Mən fərqinə varmayacaqdım.

Həmin şəxs cavab verir:

— Bəli, ola bilsin ki, siz varmayacaqdınız, lakin axı mənim övladlarım fərqinə varacaqdılar.