yanında və şahidlərin iştirakı ilə şəxsən bildirməli loduqları tam və azad razılığı olmadan bağlanmasına yol verilmir.

2. Bu maddənin 1-ci bəndinin qərarlarına baxmayaraq, hakimiyyət orqanının səlahiyyətli nümayəndəsi müstəsna hal olduğuna və tərəflərdən birinin hakimiyyət orqanının hər hansı səlahiyyətli nümayəndəsi qarşısında qanunda nəzərdə tutulduğu qaydada razılıq verdiyini və onu geri götürmədiyini yəqin edərsə, həmin tərəfin iştirakı tələb olunmur.


Maddə 2


Bu Konvensiyada iştirak edən dövlətlər minimal nigah yaşını müəyyən edən qanunvericiik aktları qəbul edirlər. Səlahiyyətli hakimiyyət orqanının nigaha daxil olan tərəflərin mənafeyi baxımından ciddi səbəblərə görə qaydadan istisnalara icazə verdiyi hallardan başqa, qoyulmuş yaş həddinə çatmayan şəxslə nigah bağlanmasına yol verilmir.


Maddə 3


Bütün nigahlar səlahiyyətli hakimiyyət orqanı tərəfindən muvafiq rəsmi reyestrdə qeydiyyatdan keçirlər.


Maddə 4

1. Bu Konvensiya Birləşmiş Millətlər Təşkilatının bütün üzv dövlətləri, yaxud istənilən ixtisaslaşdırılmış idarənin üzvü olan dövlətlər, yaxud Birləşmiş Millətlər Təşkilatı Baş Məclisinin bu Konvensiyada iştiraka dəvət etdiyi istənilən digər dövlət tərəfindən imzalanmaq üçün 1963-cü il dekabrın 31-dək açıq olacaqdır.

2. Bu Konvensiya təsdiq edilməlidir. Təsdiqetmə fərmanları Birləşmiş Millətlər Təşkilatın Baş katibinin yanında depozitə qoyulur.


Maddə 5


1. Bu Konvensiya 4-cü maddənin 1-ci bəndində göstərilən bütün dövlətlərin qoşulması üçün açıqdır.

2. Qoşulma bu haqda fərmanın Birləşmiş Millətlər Təşkilatı Baş katibinin yanında depozitə qoyulması ilə yerinə yetirilir.


Maddə 6


1. Bu Konvensiya səkkizinci təsdiqetmə fərmanı və ya qoşulma haqqında fərmanı depozitə qoyulan gündən sonra doxsanıncı gün qüvvəyə minir.

2. Bu Konvensiyanın səkkizinci təsdiqetmə fərmanı və ya qoşulma haqqında fərman depozitə qoyulandan sonra təsdiq edən, yaxud ona qoşulan hər bir dövlət üçün bu Konvensiya həmin dövlətin öz