ü idi.
Buna görə işə getmədi. Bazara çıxdı mağazaları gəzdi. Ən sonunda çox bəyəndiyi çəhrayı ağ bir paltar aldı. Bunu qızına, canı Aynuruna doğum günü hədiyyəsi olaraq almışdı. Qızı ölməmişdi. Yuxularında da olsa yaşayırdı. Son olaraq doğum günü tortu alaraq evə gəldi. Üzərinə altı dənə şam qoyub yandırdı. Yavaşca divana uzanıb yanan şamlara baxdı. Qızını xəyal etməyə başladı. Nə çox darıxmışdı onun üçün. Gözlərindən yenə yaşlar süzülməyə başladı.
"Allahım yalvarıram qızımı bir dəfə daha görməmə icazə ver. Onun üçün çox darıxdım ... "Bu dərin duasında sonra fərqində olmadan yuxuya getdi.
O gecə səhərə yaxın Sevda yenə eyni yuxunu görməyə başladı ... Yenə zülmət qaranlıqların içindən keçirdi. Amma bu qaranlıqlar onu qorxutmur, bir azdan təkrar qızına qovuşacağı üçün xoşbəxtlikdən hıçqıraraq ağlayırdı.
Nəhayət Heç bitməyəcəkmiş kimi olan qaranlıq tuneldən çıxıb, qat qat bir çox yamyaşıl məkanların qarşısından keçdi. Və bir il əvvəlki səs ona yenidən "Cənnətə xoş gəldin" dedi. Sevda artıq cənnətin nə demək olduğunu çox yaxşı bilirdi. Cənnət demək qızı Aynur demək idi. Bura yenə eyni göz qamaşdıran gözellikde idi. Dərhal qızını axtarışa başladı. Uzaqdan gələn uşaq səslərinə yönəldi. Az irəlidə bir çox uşaq rəngarəng çiçəklərin içərisində oyun oynayırdılar. Sürətlə onların yanına getdi. Tək-tək baxdı onlara. Amma qızı Aynur onların içərisində yox idi. Dəlilər kimi o tərəf- bu tərəfə qaçmağa başladı. Hər yerdə sevinc içində oynayan, qaçan bir çox uşaq var idi. Lakin qızını heç cür tapa bilmirdi. Bir müddət sonra içinə acı bir ümidsizlik çökdü. Çox kədərləndi kədərli harda oradakı bir ağaca söykəndi. Gözlərindən süzülən yaşlar Kirpiklərindən yanaqlarına axırdı. Elə bu vaxt iki kiçik əl gözlərini bağladı!
Sevdanın ürəyi yerindən çıxacaqmış kimi atmağa başladı. O sevinclə birdən "Qızım,Aynurum" deyə qışqıraraq arxasına döndü. Döndüyü anda da sevinc gözyaşlarına boğuldu. Qızı Aynur, əlindəki çiçəkləri gülümsəyərək ona uzadırdı. Və üzərində bu gün ona aldığı çəhrayı ağ