naməhrəm qadınla danışması haramdır. Xüsusən bu məsələ sevgi və ya evlənmə məsələlərinə aid olarsa. Lakin bu günkü günümüzdə başqa insanların vasitə ola biləcəyi halda iki nəfərin öz aralarında evlənmə məsələsini həll etməsi olmaz. Yaxın olan məhrəm kəslərin və ya qohumların vasitəsi ilə lazım olan məsələləri aydınlaşdırıb, işi həll etmək olar. Mesaj, zəng, məktub, şəkil göndərmək Islam dinində olan evlənmə yolundan uzaqdır. Əgər məsələniz ciddidirsə oğlan gəlməlidir sizə, ananız və ya atanızın yanında oturub sizinlə söhbət etməlidir. Razılıq olarsa bundan sonra bir neçə dəfə belə görüşmək olar. Lakin bu görüşün xəlvətdə, gizlidə olması haramdır.

______________________________________________________________________________________


Sual: Mən o niyyətlə oruc tuta bilərəm ki, həm savab, həm də arıqlamaq üçün? (Ramin)

Cavab: İbadətin qəbul olması üçün 2 şərt var. 1-ci Allah rizasına olmalıdır. 2-ci Peyğəmbərin (Allahın ona salamı və salavatı olsun) yoluna uyğun olmalıdır. Allah Təalə buyurur: “Peyğəmbər sizə nə verirsə, onu götürün, nəyi də qadağan edirsə, ondan çəkinin..” (əl-Həşr, 7) İbadətlər dünyəvi məsələlərdən ayrı olmalıdır. Arıqlamaq üçün oruc tutsanız onda heç bir savab əldə etməyəcəksiniz və bu da dində olan bir yenilikdir (bidətdir). Peyğəmbər (ona Allahın salavatı və salamı olsun) demişdir: "Kim bizim bu işimizdə (dinimizdə) ondan olmayan bir yenilik edərsə o, rədd olunandır." (Buxari, Müslim) Siz orucu Allah xatirinə tutun və dua edin ki, Allah Təalə sizə arıqlamaqda yardım etsin.

______________________________________________________________________________________
















2
Sual: Tövbəni pozduqda 3 gün orucu istədiyim qədər ara verərək tuta bilərəm? Neçə gün oruc tutacağımın indi sayını dəqiq bilmirəm. Mən nə edim? Və yaxud təqribi bildiyimdən 2-3 gün çox oruc tutsam olar?

Cavab: Ümumiyyətlə tövbəni pozan adamın oruc tutmasına dəlil yoxdur. Əgər eyni bir iş üçün and içib sonra andı pozmusansa onda üç gün oruc