c tutub Allahdan bağışlanma diləyib bir daha həmin əmələ dönmə! Allah Təalə buyurur: “Allah sizi qəsdiniz olmadan içdiyiniz andlara görə (onları pozmağa görə) cəzalandırmaz, lakin O, sizi qəsdlə içdiyiniz andlara görə cəzalandıracaqdır. Bunun kəffarəsi ailənizə yedirtdiyinizin orta hesabı dəyərində, ya on kasıbı yedirtmək və ya onları geyindirmək və yaxud da bir köləni azad etməkdir. Kəffarə vermək üçün bir şey tapmayan kimsə üç gün oruc tutsun. Bu, and içib sonra pozduğunuz andlarınızın kəffarəsidir. Andlarınızı qoruyun! Allah Öz ayələrini sizə bu cür bəyan edir ki, bəlkə şükür edəsiniz.” (Əl-Maidə, 89) And orucunu isə ara verərərək müxtəlif vaxtlarda tutmaq olar. Tövbəyə gəldikdə isə tövbəni pozan adam Allahdan bağışlanma diləyib bir daha tövbə etsin, etdiyi günaha dönməmək üçün ona aparan yollardan uzaq olsun və ölümü tez-tez xatırlasın. Xatırlasın ki, günah iş görən zaman ölüm onu yaxalasa onun halı necə olar?! Allah qorusun!!!

_______________________________________________________________________________________


Sual: Mömin qadın öz hicabını 7-8-9 yaşlı uşağın yanında aça bilər? Qeyd: həmin uşaq onun xalası və bibisi uşaqlarıdır. Bir də ki, yaş həddi varsa nə qədərdir? (Rəşad)

Cavab: Qadın öz hicabını 7-8-9 yaşlı uşaqlar yanında aşa bilər. Lakin uşaq həddi buluğa yetişibsə onun yanında baş açması olmaz. Həddi buluğa isə təqribən 14 yaşında yetişir. Xala və bibi uşaqları da buna aiddir. Ehtiyat üçün ağlı kəsən naməhrəm oğlan uşaqlarının yanında hicab açılmasa daha yaxşıdır.

_______________________________________________________________________________________


Sual: Bu hadisənin səhih dəlili var? Peyğəmbər (Allahın ona salavatı və salamı olsun) uşaq olan zaman köksü açılıb və daxili üzvləri pak su ilə yuyulduqdan sonra yerinə qaytarılıb? (Kənan)

Cavab: İmam Müslim səhihinda İman kitabinda Peyğəmbərin (ona, ailəsinə və səhabələrinə Allahın salavatı və salamı olsun) İsraya qaldırılması adlı fəsildə 431 rəqəmli hədisdə Ənəs İbn Malikin bu