Dünya xalqları toy mərasimlərini öz adət-ənənələrinə uyğun həyata keçirirlər. Bəzi xalqların çox qəribə adətləri insanı dəhşətə gətirir. Məsələn, Kolumbiyada yengə funksiyasını qızın anası həyata keçirir. Həm də bizim yengələrdən fərqli olaraq onlar qapı arxasında deyil, düz yatağın kənarında oturub "prosesi" müşahidə edirlər. Maraqlıdır ki, bu adət ötən əsrlərdən qalsa da hələ də, öz aktuallığını itirməyib. Vikinqlər deyəsən azərbaycanlılara daha yaxındırlar. Bizim adət-ənənələrdə başlıq pulu olduğu kimi, onlar da qız atasının müəyyənləşdirdiyi qiyməti ödəməklə qızı özlərinə arvad edə bilirlər.

Nigeriya
Nigeriyada gəlin köçəcək qız kökəlməlidir. Yox, əgər tya qədər kökəlməsə, onun toydan sonra kökəlmək üçün bir ay vaxtı var. Təzə gəlin bu bir ayda da arıq qalarsa əri onu geriyə, yəni ata evinə göndərir.

Finlandiya
Finlandiyalı gəlinlər toyda əl işi olan qızıl tac taxırlar. Mərasimdən sonra subay gənc qızlar gəlinin ətrafında toplanır. Gəlin gənc qızlar arasından birini seçərək qızıl tacını ona verir, bu da seçilən qızın ondan sonra evlənəcəyinə işarədir.

Bosniya-Hersoqovina
Bosniyada bəy əvvəlcədən qız evinə gəlir və toy haqqında söhbət edir. Qızın ailəsindəki ağsaqqallar bəydən razı qalsalar, toya razılıq verirlər. Sonda qəhvə gətirilir və qəhvə şəkərlidirsə, qız evinin cavabı müsbət olduğu bildirilir.

Afrika
Afrikada toyda bəylə gəlin bir süpürgənin üzərindən hoppanır. Bu ənənə kölələrin evlənməsinin yasaq olduğu dövrlərdən bəri hakimdir. Ayin gəlinlə bəyin keçmişə aid bütün pis xatirələri süpürməsinə işarədir.

Hollandiya
Holland toylarında gəlinlə bəyin masasının yanında ağac yerləşdirirlər. Toya gələn qonaqlar gəlin və bəy üçün arzularını yazaraq, bu ağaca asırlar.

Hindistan
Hindistanda toydan bir gün əvvəl parti təşkil olunur və qayınana gəlin münasibətlərinin yaxşı olması üçün gəlinin ayaqlarına xına qoyulur. Sonra isə mahnılar oxuyaraq onu qaynana yuyur. Toyda bəy qayınananı tərəfindən qarşılanır və bəyin ayaqları yuyulur.