ə arxasına baxmır. Qab nə qədər kiçik parçalara ayrılsa, o qədər yaxşıdır. İnanca görə, hələ evlənməmiş iki gəlin namizədinin başqa birisinin toyunda qarşılaşması uğursuzluq kimi qəbul edilir, çünki bu halda onların bir-birlərinin xoşbəxtliyini oğurlayacaqlarını düşünürlər.

Kosova
Kosovoda isə adət-ənənəyə görə, qədim gəlin paltarı geydirilən gəlinin üzü ağ boyalarla boyanır, üstünə isə keçmişə aid naxışlar vurulur. Bu, toy mərasiminin düşərli olması üçün hesablanıb. Amma həmin gün tanış və yad adamların gəlini tanıması qeyri-mümkün olur. Üzü ağ boyalı və naxışlı gəlin çoxlarının gülüş hədəfinə çevrilir.

Fransa
Əcaib toy adətləri fransız gəlinlərindən də yan keçməyib. Məsələn, bizdə toy günü bəy hamamı olduğu kimi, onlarda da dəm-dəstgahlı bir gəlin hamamı mərasimi var. Qədim Fransa adətlərinə görə, ancaq bu yolla gəlin keçmiş sevgililəri və eşq macəralarını unuda bilər. Toy günü gəlin köhnə sevgi və düşüncələrindən tamamilə təmizlənməsi üçün saatlarla duş qəbul etməlidir. Bir maraqlı ənənədə gəlin və bəyin yalnız evlilik günlərində istifadə edilən və nəsildən-nəslə ötürülən evlilik bardağından şərab içməsidir. Bundan başqa, Fransada toy günü bəy öz gəlinini evdən götürür və kilsəyə piyada gedirlər. Kilsəyə gedən yolda isə kiçik uşaqlar onların qabağını kəsərək əllərindəki lentləri kəsmələrini istəyirlər.

Afrika
Afrikada toyda bəylə gəlin bir süpürgənin üzərindən hoppanır. Bu ənənə kölələrin evlənməsinin yasaq olduğu dövrlərdən bəri hakimdir. Ayin gəlinlə bəyin keçmişə aid bütün pis xatirələri süpürməsinə işarədir.

Polşa
Polşada gəlinlər pul qarşılığında rəqs edir.

Çexiya
Çexiyada isə bəyin yaxın dostları gəlini qaçıraraq bir yerdə gizlədirlər. Bəyin gəlini tapması onu həmişə qoruyacağı mənasına gəlir. Toyun sonunda gəlinin duvağı və bəyin ayaqqabıları qonaqlar arasında gəzdirilir. Sonuncular da cütlüyün bal ayı səfəri üçün ayaqqabı və duvağın içinə pul qoyurlar. Bir növ bizdəki nəmər yazdırma burda ayaqqabı gəzdirmə formasında davam