Kriminal aləmin iki nüfuzlu avtoriteti - “Lotu Quli” (Nədir Səlifov) və “Rövşən Lənkəranski” (Canıyev) arasında gedən nüfuz savaşı yenidən qızışıb, uzun müddətdir ki, aralarında olan kəskin münasibətləri heç cür normallaşdıra bilməyən avtoritetlərin tərəfdarları həbsxanalarda açıq mübarizəyə girişiblər. Qeyd edək ki, nüfuzlu “qanuni oğru”nun həbsxanalarda da hökmü keçmələdir və bu səbəbdən Nadir Səlifovla Rövşən Canıyevin tərəfdarları arasındakı intriqanı başa düşmək olar.
Məlumatlara görə, həbsxanalarda demək olar ki, hər gün bu intriqadan doğan dava-dalaşlar baş verir. Bu, toqquşmalar əsasən “obşak”ın olduğu Bakı İstintaq Təcridxanasında, Qobustan Qapalı Həbsxanasında, 1 və 6 saylı Cəzaçəkmə Müəssisələrində olur. Yaranmış vəziyyət türmələrə nəzarət edən Penitensiar Xidmətin rəhbərliyini də ciddi narahat etməkdədir. Penitensiar Xidmət rəhbərliyi ən əsası bu xəbərlərin mediaya sızmasının qarşını almağa çalışır. Həbsxananın sıravi heyətinə tapşırılıb ki, qalın divarlar arasında baş verənlər haqda hətta evdə belə danışmasınlar. “Bu sərt qadağa həm də Penitensiar Xidmət rəhbərliyinin son zamanlar mediada sərt tənqid edən yazıların artması ilə də bağlıdır” deyə, mənbəmiz bildirib.
2010-cu ilin martında 1 saylı həbsxanada vəfat edən Məmməd Hüseynov - “Masallı Mammed” dən sonra həbsxanalarda “obşak”a nəzarət uğrunda başlayan mübarizə daha da qızışdı. 2012-ci ilin noyabrında Aslan Usoyan (“Ded Xasan”) klanı ilə düşmən münasibətləri olan “Rövşən Lənkəranski”nin "oğru" adının alınması, Azərbaycan həbsxanalarında “obşak”ın “Lotu Quli” yə verilməsi xəbəri yayıldı. Bunun ardınca “Lənkəranski” ilə “Quli” tərəfdarları arasında kütləvi dava, hətta bıçaqlanma xəbərləri artmağa başladı. Bu davada kifayət qədər təklənmiş kimi görünən “Lənkəranski”nin məhvi planı alınmadı. “Oğru” adının alınması ilə bağlı qərarda imzaları olduğu iddia edilənlərin bəziləri “Lənkəranski”ni dəstəklədi. “Ded Xasan”ın öldürülməsindən sonra isə “Lənkəranski” nin mövqeləri daha da gücləndi.
Maralıdır