Dodaq boyası seçərkən ilk növbədə onun son istifadə tarixinə diqqət yetirin. Bu tarix 18 ay olmalıdır. Aldığınız zaman son tarixinə heç olmasa 6 ay qalmalıdır. Səthinə diqqət yetirin:səthi tamamilə hamar, düzgün, eyni tona malik, xırda, əlavə elementlərsiz olmalıdır. Qoxusu isə ya nəzərə çarpmayan, ya da ümumiyyətlə olmamalıdır.
Adətən, dodaq boyalarından çiyələk,albalı meyvələrinin iyi gəlir, bu həmin boyanın içində müxtəlif ucuz boyaların olduğunu göstərir. Belə ki, həmin yağların hiss olunmaması üçün əlavə olunan süni aromatizatorlardır.

Boyanı mütləq testerlə (kiçik bir çubuq şəklində olur) yoxlayın, o tam, hamar şəkildə yayılmalıdır, rəngini yoxlamaq üçün isə dodağınıza çəkməyə ehtiyac yoxdur.

Barmağınızın ucuna bir qədər sürtün,burda dərinin rəngi demək olar ki, dodağın rəngi ilə eynidir.

Və ən əsası da diqqət yetirin ki, tərkibində vitaminlər,qidalandırıcı maddələr olsun.