Modeli çəkilmişdi, əsl mənim malım. Araz bu işi nəzərdə tutubmuş yəqin.
-İşiz nə yerdədi?
Araz yaxınlaşan kimi suala başladı.
-Gərgin-Səlim dilləndi-əşşi elə şey verirlər ki, adam lap başını itirir.
-Camaatla razılığa gələ bilmirsiz?
-O da var.
Kürən yenə dilləndi:
-Qardeş,sizin hukumet az pilla çok şey qurmaq isteyir...
Biy, bu Türk imiş ki...Araz gözücu mənə baxdı:
-Elxanın da başı çıxır e belə şeylərdən,məktəbin qutarıb.
-Ya? - Kürən maraqla məni süzdü,hələ də damğında olan siqaretin tüstüsündən gözün qıyıb: - Hansı sahə?
Onun bizim dildə danışmaq cəhdinə ürəyimdə gülüb,qısaca:
-Tənzimləmə məsələləri-dedim.
Səlimlə kürən baxışdı.Bayaqdan sakit oturan üçüncü:
-Bizim də çətinliyimiz elə o baxımdandı.Dünən Araz da səndən danışdı,bizim firmaya baş çək vaxtın olanda.
Araz həvəslə dəbərdi,gözlərini zillədi mənə.Mən də özümü xam göstərməməkçün:
-Layihəni bütöv almısız, ya testdəsiz?
Kürənin dodağı qaçdı.Səlim:
-Yox, hələ testdəyik.Əgər bu nizamlamanı düzüb-qura bilsək, bu boyda işi biz götürəcəyik. Biz də istəyirik yəni öz adamlarımıza xeyir verək də...
Səni qalstuklu dovşan! Öz ağlıyca mənə minnət qoyur da,demir ki, ağlımız çatmır işin içindən çıxmağa...
-Əlbəttə,özünkü işinə can da yandırar.
Dönüb Araza baxdım,başa düşmürəm, tutaq ki,mən işə girdim, bu nə qazanacaq?
Heç nə,sadəcə başqalarının işinə qarışmaq xəstəliyi var ki, yaman zibil idi o...
Səlim yenə nəsə dedi, amma mən eşitmədim; Bərfimgil oturduğu yerdə yox idilər. Skamya boş idi. Elə bildim həmin skamyanı başıma çırpdılar...Dəli kimi ayağa qalxdım.Araz:
-Hara?-deyə təəccübləndi.
-Gedəsi oldum mən,hələlik!
-Ofisə gələrsən danışarıq işi.
Bunu arxadan qışqıran Səlim idi.
Küçəyə çıxanda gözüm o quzğunun maşının axtardı. Yox idi. Getmişdilər! Sənə də, Səliminə də,körpünə də....!! Bildiyim bütün söyüşləri yağdırdım Arazın ünvanına.Yağış elə yağırdı ki,iki addımlığı görmək olmurdu. Başqa küçəyə keçdim, yolu atlayıb keçmək istəyirdim ki, elə bil qulağımın dibində bomba partladı. Həmin