u ora çatan kimi pul üstündə ən qatı düşmənə belə çevriliblər.Vüsal orda müşahidə etdiklərindən, eşitdiklərindən onu da bilirdi ki, orda öldürülən həmyerlilərimiz olan iş adamlarının qatilləri elə öz yaxınları olub.Cinayəti özlərindən uzaqlaşdırmaq üçün şaiyələr buraxsalar da.(Guya erməni, ya da yerlilər tərəfindən öldürülüb və s.)Vüsal daxilən yenə də saf idi.Bacardığı qədər də əl tutardı kimsəsizlərə, aclara.Bunu kimsəyə də bildirməzdi.Onun tək zəif yeri ehtirasının əsiri olmasında idi.Bir yandan onu da qınamaq olmazdı.Fiziki tələbatlarını o da ödəməliydi bir yolla.Son vaxtlarda bu tələbat daha tez-tez ödənilməyə başladı.Dostlarının məsləhətini qulaqardına vurub onlar kimi prezervativ də istifadə etmirdi. Prezervativlə əlaqənin “dadı” olmurmuş ona görə.. Seksual həyatın ləzzəti onun təbiiliyindədir. Nə qoruyucu? Boş şeydir. Ehtirası cuşa gələndə onunçün fərqi olmurdu görüş harda oldu. Küçədə belə ödəyirdi tələbatını. Vaxtılə Fuadı qınayırdı. İndi liftdə, parkda, metroda, küçədə,-harda gəldi, istəyi nə zaman çoxaldı onda.. Nə sevgi, nə bağlanmaq vardı daha. Vəhşi ehtirasını heyvanlar kimi çöldə-bayırda söndürmək vardı sadəcə.. Qoruyucusuz əlaqədə olduğu o küçə qızlarının sayəsində də günlərin birində zöhrəvi xəstəliyə tutulur. Xəstəliyindən özü də xəbərsiz idi. Ta o günə qədər ki, Lyuba ilə yataqda sevişəndə əlaqələrini sona çatdıra bilmir. Əvvəl heç nə başa düşmür və bir neçə dəfə yenidən cəhd edir..Amma alınmır ki, alınmır.. Növbəti cəhdi də boşa çıxır. İlk dəfə belə çıxılmaz vəziyyətə düşürdü. Lyuba ilə yeni tanış olmuşdular.Bir müddət idi bir yerdə yaşayırdılar.Onunla küçədə, bayırda deyil, evdə görüşürdü.Qeyri-rəsmi yaşayırdılar.İlk dəfə idi Vüsal hansısa qadınla uzun müddət münasibətdəydi.Daha küçə qızlarıyla işi yox idi.Lyubanı sevməsə də onda Vüsalı özünə çəkən nə isə vardı.Bu sadəcə ehtiras deyildi.Bəlkə də kənddəki qızları xatırlayırdı Lyubaya baxanda.Qaraşın, arıq, qonur rəngli gözləri, şabalıdı saçları vardı.Bu qıza bu qədər əhəmiyyət verməsinin, onu