, qonaqlar dağılışdı hamsı. Bilirsən səninçün necə darıxmışdım, qaqaş?- Vüsalın boynuna sarılıb yanaqlarından öpdü.. Qardaşının hələ də onunla soyuq rəftarının səbəbini bildiyi üçün incimirdi. -Sənə telefonda yalan danışdığımçün məndən hələ də küsülüsən?



-Hə, bir az hirsliydim əlindən. Amma indi keçdi.-Gülümsəyərək Sünbülün saçını sığallayıb alından öpdü. Adəti idi, bacısının uşaqlıqdan həmişə alnından öpərdi.-Mənim sizdən başqa kimim var ki? Çalışmağım da sizdən ötrüdür də. Kefimdən qalmıram ki, orda.

-Yəni gedəcəksən? Heç olmasa anamın yanında demə hələ. Yazıq arvad elə bilir birdəfəlik gəlmisən.

-Getməliyəm, bacı. Yarımçıq işlərim qalıb. Onları bitirər-bitirməz həmişəlik qayıdacam. Daha qovsanız da gedən deyiləm... Sünbüldən səs çıxmadı. Yan otaqda başı qarışıq idi deyəsən, Vüsalı eşitmirdi.

-Niyə susdun? Yoxsa indi də sən küsdün məndən? -Yandakı otağa,-öz otağına keçəndə Sünbülün onun paltarlarını yığışdırdığını indi gördü.- Neynirsən orda? Özüm yerləşdirəcəm sonra. Sən qarışdırarsan.

-Bu nədir, qaqaş? Əlində tutduğu bəzəkli dərman qutusunu təəccüblə Vüsala göstərdi.. Xəstəliyini hamıdan gizlədən Vüsal dərmanı bacısının əlində görəndə özünü itirdi bir anlıq. Sünbül də sualı sual dalınca yağdırırdı. Öyrənməsə əl çəkən deyil, bilirdi bacısının xasiyyətini. Onun suallarından yaxa qurtarmaq üçün ağlına gələni uydurdu:

-Bacı, bu “amerikanski” baş ağrısı dərmanıdır. Çox güclü dərmandır. Bu dərmandan ölənlər də olub. Birdən çaşıb istifadə edərsən haaa.- Bacısına hələ də uşaq gözüylə baxan Vüsal öz aləmində sanki bu sözlərilə Sünbülü qorxutdu. Düşündü ki, daha o dərmana bir də əl vurmaz...

Vüsalın dediklərində həqiqət də vardı. Həmin dərmandan ölənlər olmuşdu. Bakı apteklərində satışda olmayan bu dərman xaricdə istehsal edilib baha qiymətə Rusiyaya gətirilirdi. Onun güclü təsiri kimi böyük fəsadları da olurdu. Bir sözlə bu dərmanı narkotiklə müqayisə etmək olar. Dozadan artıq qəbul edilən narkotik maddə həyat üçün təhlükəli olduğu