qədər bu dərman da öldürücü olur bəzən. Yüksək dozada qəbul edilmiş dərmanın təsiri və vaxtında ödənilməyən şəhvət hissindən dünyasını dəyişənlər və ya psixikası pozulanlar az deyildi... Əlbəttə qanunsuz satışda olan bu dərmanın fəsadlarını, bu səbəbdən dünyasını dəyişənlərin əsl ölüm səbəblərini çox zaman gizlədirdilər. Amma dərmanın daimi alıcıları bundan xəbərdar idilər və istifadə edərkən daha ehtiyatlı olmağa çalışırdılar. Vüsal bacısına bu haqda danışıb ətraflı izahat verməyi düşünmürdü də. Ən əvvəl ona görə ki, əvvəl gərək xəstəliyi barədə deyəydi. Bu da mümkün deyildi...

...Vüsalın kənddə qalan tay-tuşu elə də çox deyildi. Bir qismi təhsilini davam etdirmək üçün Bakıda, bir qismi də hərbi xidmətdə idilər. Onların arasında tək-tək Vüsal kimi Rusiyaya gedənlər də vardı. Kənddə qalan tay-tuşları da əsasən evlilər idi. Ailəyə bağlanıb kəndən çıxa bilməyən tay-tuşlarına Vüsalın Rusiyadakı həyatı, macəraları çox maraqlı gəlirdi. Xüsusən də Vüsal o macəraları bir az da “bəzəyib” danışanda. Onların marağını görən Vüsal yataqdakı “hünərindən” də söz açmağı unutmur. Rus qadınlarının yataqda onun necə “əsir”inə çevrilməsini deməklə lovğalanırdı. Özünün əsl kişi olduğunu, qadınlarla yataqda keçirdiyi seksual həyatdan qürurla danışan Vüsal “dərman məsələsi”ni təbii ki, gizlədirdi. Dostlarının erotik filmlərdə gördüklərini o real həyatda yaşadığını danışmaqdan zövq alırdı.

...O gün tay-tuşları ilə söhbəti uzandığı üçün evə gec qayıtmışdı. Elə divandaca mürgüləyən anasını oyatmaq, otağına aparmaq istədi. Amma sonra fikrini dəyişdi, oyatmağa qıymadı... Öz otağına keçmək istəyəndə Sünbülün hənirtisini duydu. Niyə hələ də oyaq olduğunu öyrənmək üçün bacısının otağına keçmək istəyirdi ki, dəhlizdə rastlaşdılar. Sünbül başını sarımışdı. Rəngi də solmuşdu.

-Nə olub sənə, başını niyə sarımısan?

-Səhər açılandan başım dəhşət ağrıyır. Evdəki ağrı kəsicilər də təsir etmədi. Ölürəm başımın ağrısından. Başım çatlayır. Yata da bilmirəm ağrıdan.

-İstəyirsən