olan kimsənin əlini, ağzını yumadan yeyib içməsi uyğun hesab edilməmişdir. Ancaq əlini, ağzını yuduqdan sonra, qüsl dəstnamazı almadan sahur yeməyi yeməsində bir qorxu yoxdur.

III. Orucu pozan-pozmayan şeylər

A. Bəzi ümumi məlumatlar
Oruclu ikən, yemək, içmək və cinsi əlaqə orucu pozar. Orucu pozan şeylərin bir qismi yalnız qəzanı tələb edərkən, digər bir qismi həm qəza, həm də kəffarəni tələb edir. İndi mövzu ilə əlaqədar bəzi məsələlərə toxunaq:
1. Hansı Şeylər Orucu Pozub Yalnız Qəzanı Tələb edir?
Səfər, xəstəlik, irəli dərəcədə yaşlılıq kimi qanuni bir bəhanəyə dayanan pozulan orucun, yalnız qəza edilməsi lazımdır. Ayrıca, qəsd olmadan yemək-içmək; bəslənmə məqsədi və mənasını daşımayan, yeyilib içilməsi halal olmayan və ya insan təbiətinin meyl etmədiyi şeylərin yeyilib içilməsi orucu pozar və yalnız qəzasını tələb edir.
Ramazanda bir bəhanə olmadan tutulmayan oruclar, gününə gün qəza edilər. Ancaq Peyğəmbər Əfəndimiz (s.ə.v.), Ramazan ayında qaçırılan bir gün orucun savabına yetişmək üçün adamın bir il boyunca oruc tutsa yenə də bu savaba nail ola bilməyəcəyini söyləmişdir. Bunun üçün Ramazan ayında üzrsüz olaraq orucu tərk etmək, böyük bir günah olduğu kimi, həm Ramazan ayına hörmətsizlik həm də bütün Müsəlmanlara qarşı bir hörmətsizlikdir.
Bəhanəsiz olaraq Ramazan orucunu tutmamaq böyük günah olub ayrıca bundan ötəri tövbə və istiğfarda olmaq lazımdır. Ramazan ayı günahların əfvi üçün bir fürsətdir. Digər günlərdə tutulan oruc qiymət etibarilə Ramazanda tutulan orucun yerini tuta bilməz.
2. Oruc Kəffarəsi Nə Deməkdir Və Necə Ödənər?
Ramazan orucunun, bəhanəsiz olaraq pozulması vəziyyətində həm kəffarə, həm də pozulan orucun qəza edilməsi lazımdır.
Oruc kəffarəsi iki qəməri ay və ya 60 gün ara vermədən oruc tutmaqdır. Buna gücü çatmayan, 60 kasıbı bir gün ya da bir kasıbı 60 gün doyurar.
Adət halında olan qadınlar, bu günlərində kəffarə oruclarına ara verərlər. Bu vəziyyətlərindən çıxar çıxmaz ara vermədən kəffarə orucuna davam edərək