rəvayət yoxdur.
11. Qəza Oruclarının Aralıqsız Olaraq Tutulması Şərtdir?
Ramazan ayında tutulmayan orucların və başlanıb pozulan orucların qəza edilməsi lazımdır. Qurani Kərimdə, "İçinizdən xəstə olan və ya səfərdə olan, tuta bilmədiyi günlərin digər günlərdə tutsun." buyurulmaqdadır (Bəqərə,184). Qəza oruclarının aralıqsız tutulması haqqında hər hansı bir hökm yoxdur. Beləliklə, qəzaya qalan oruclar oruc tutulması məkruh olan günlər xaricində, arxasınca və ya ayrı günlərdə tutula bilər. Ancaq bu orucların, bir an əvvəl tutulması uyğun olar.
12. Pozulan Nafilə Orucun Qəza Edilməsi Lazımdır?
Nafilə oruc, Ramazan ayının xaricində tutulan orucdur. Nafilə də olsa, başlanan bir ibadətin tamamlanması lazımdır. Bu səbəblə digər nafilə ibadətlərdə olduğu kimi, pozulan nafilə orucun da, qəza edilməsi lazımdır. Qəza orucu tutmaqda olan adamın da bu orucu pozması vəziyyətində yenə qəza lazımlı olub kəffarə lazım deyil.
13. Şəvval Orucunun Hökmü Nədir?
Ramazan ayından sonra şəvval ayında altı gün oruc tutmaq müstəhəbdir. Peyğəmbər Əfəndimiz (s.ə.v.), "Kim Ramazan orucunu tutar və ona Şəvval ayından altı gün əlavə etsə, sanki ilin bütünündə oruc tutmuş kimi olar" (Müslim, Sıyam, 24; Tirmizi, Savm, 53) buyuraraq Şəvval ayında altı gün oruc tutmağa təşviq etmişdir. Bu oruc ard arda tutula biləcəyi kimi, ara verilərək də tutula bilər.
14. Aşura Orucunun Hökmü Nədir?
Məhərrəm ayının onuncu gününə, aşura günü deyilməkdədir. Rəsulullah (s.ə.v.), "Aşura günü orucunun əvvəlki ilin günahlarına kəffarə olacağını ümid edirəm" buyuraraq (Tirmizi, Savm, 47), bu gündə oruc tutmağı tövsiyə etmişdir.
Hz. Peyğəmbər dövründə Yəhudilər yalnız Məhərrəm ayının 10-cu günündə oruc tutduqlarından, onların davranışlarına bənzəməməsi üçün əvvəlinə və ya sonuna bir gün əlavə edilərək tutulması uyğundur.
15. Ramazanı Qarşılamaq və Yola salmaq Üçün Oruc tutmanın Hökmü Nədir?
Ramazanı qarşılamaq və ya yola salmaq məqsədi ilə oruc tutmanın dini bir dayağı yoxdur. Ancaq Hz. Peyğəmbər Şaban