Reuters agentliyinin verdiyi
xəbərə görə, «Forbs» jurnalı
dünyanın ən varlı adamlarının
siyahısını dərc edib. Jurnalın
hesablamalarına görə dünyanın
ən varlı insanı amerikalı
sərmayəçi Uorren Baffetdir.
Onun mülkiyyəti 62 mlrd. dollar
miqdarındadır. Ötən illər varlı
insanların siyahısında birinci
yerdə olan Bil Qeyts isə
«Forbs»-un tərtib etdiyi bu
dəfəki reytinqdə 52 mlrd.
dollarla üçüncü yerdədir.
Reytinqdə ikinci yeri
Telekommunikasiya maqnatı və
Latın Amerikasının ən varlı şəxsi
Karlos Slimdi. Onun 60 mlrd.
dolları var. Ümumiyyətlə o, 7.3
milyarlıq sərvətini son 4 il
ərzində 60 milyardadək artırıb.
Bu hal özlüyündə siyahı
iştirakçıları arasında rekord
göstəricidir.
Analitiklər hesab edirlər ki,
maliyyə böhranının ABŞ-ı
cənginə aldığı bir zamanda
Baffetin birinci yerə yüksəlməsi
tam layiqlidir. Baffet nəinki
sərvətini qoruyub saxlayıb
(xatırladaq ki, o, sərmaye
qoymağla məşğuldur və bunu
daha gəlirli və riskli sahələrdə
etməyə üstünlük verir), hətda
onu artırıb.
Cybersecurity nəşrinin xəbərinə
görə, əminlıklə demək olar ki,
Baffet maliyyə böhranı zamanı
nəinki ziyana düşüb hətda gəlir
əldə edib.
Yekunlara əsasən həmçinin
siyahıda yaşı 40-dək
milyarderin rekord sayı qeyd
olunub.
50 belə iştirakçının tam
yarısının adı ilk dəfədir ki,
Forbes jurnalının dərc etdiyi
siyahıya düşür.
Onlardan ən cavanı Facebook
şəbəkəsinin təsisçisi, 23 yaşlı
Mark Zukerberq sayılır. Onun
sahib olduğu sərvətin dəyəri 1.5
milyard dollardı. Sonunda
Forbes qeyd edir ki, 4 il ərzində
milyardelərin sayı dünyada 2
dəfə artıb.
Jurnalın məlumatına əsasən
dünyanın 1125 ən varlı
adamlarının ümumi sərvətinin
dəyəri 4400 milyard dollar
təşkil edir.