"Kadim Aşk Ögretileri” adlı kitabın yazarı və psixoloq Cem Keçe dostdan sevgili olmaq haqqında danışıb. Psixoloq, bir-birini seən cütlüyün həm də dost olmasını, ayrılıqdan sonra dost qala bilməyin tamam fərqli olduğunu qeyd edir. Birincisi hər bir cütlüyün arzusudur, ikincisi isə çox da asan olmayan haldır. Çünki bitən hər sevgidə tərəflərdən birinin qəlbi daha çox qırılır və inciyir. Bu halda dost qala bilmək o qədər də real görünmür. İnsanın çoxlu dostu olmasına baxmayaraq, sevgilisi bir dənə olur. Bu baxımdan sevgi çox özəldir… Dostluq sevgiyə daha asan çevrilə bilir və çox rastlanan haldır.

Eks sevgili Kədərli ayrılıqdan sonra bir çox insan əvvəlki sevgilisini xilaskarı kimi görür. Depressiyada olan müddətdə təsəlli verən biriniə ehtiyac duyur. Bu zaman yağışdan çıxıb yağmura düşmə ehtimalı yüksəkdir. Çünki baş tutmayan münasibətlərə bir daha verilən şans, yaxşı nəticə vermir. Duyğusal anlarda qarşı cinslə yaxınlaşarkən nəzarəti əldən vermək olmaz. Hislərinizin sizi idarə etməsinə icazə verməyin.

Duyğularımız bizi səhvə apara bilər Bitən sevginin ardından bir tərəfin digərinə böyük hirs bəslədiyi doğrudur. Hətta iki eks sevgili bir-birindən nifrətlə danışır. Psixoloq, mövsümlərin dəyişməsini qəbul etdiyimiz kimi, cütlüklərin də bir- birini olduğu kimi qəbul etməli olduğunu söyləyir. Ancaq sevmək üçün qarşımızdakı insanı yaxşı tanımaq lazımdır. Çünki insan ancaq yaxşı tanıdığı birinə dərin sevgi bəsləyə bilər.

Vəfa və sədaqət Psixoloq vəfalı və sədaqətli olmağı, cütlüyün odla imtahanı adlandırır. Bu imtahanın uğurla nəticələnməsi üçün duyğular arasında şəfqət hissinin də olması məcburidir. Xəstəliklərdə və çətinliklərdə həyat yoldaşına göstərilməyən şəfqət, sədaqət və qayğı gələcəkdə nifrət hissinə çevrilə bilər.

Fədakarlığın çoxu zərərlidir İlk vaxtların həyəcanı keçib və münasibətlər adiləşibsə, təhlükəli müddət başlayır. Hər şeyin vəzifə, borc, ya da məcburi hal aldığı andan etibarən münasibətlərdə durğunluq yaranır. Bu kimi hallarda həyat