Kimdir Günahkar?!


Əziz ATAM və ANAM !

Bu məktubu oxuduğunuz zaman kədərlənəcəyinizi bilirəm. Aylardan bəri susduğum üçün də kədərlənirdiniz. Amma,nə edək,əlimdən başqa heç nə gəlmirdi. Məni bağışlayacağınızı ümid edirəm.ANAM və ATAM,mən artıq İslam dinini tərk edib xristiyan oldum. Əgər belə etdiyim üçün bir günah işləmişsəm bilin ki, bu günah tamamilə sizə aiddir. Çünki siz, mənə dinimi öyrətməmişdiniz. Mən sadəcə Müsəlman olduğumu bilirdim. Lakin :

* Müsəlmanlıq nədir? Necə olur?

* Peyğəmbərim kimdir? Necə bir şəxsdir?

* Quran necə bir Kitabdır və nələrdən bəhs edir?

* Müsəlmanlıqda necə və nə üçün ibadət edilir?

Bütün bunlar məncə bilinməyən şeylərdir,mənə izah etmədiniz ,öyrətmədiniz. Bura gəldiyim zaman,əksər fransızların dindar olduqlarını gördüm.Hər evdə bir neçə İsa və Məryəmə aid şəkil vardı,yeməyə başladıqları zaman dua oxuyurdular. Mən isə onlara kəmağıl-kəmağıl baxmaqdan başqa bir şey edə bilmirdim. Din, İman ALLAH,Peyğəmbər, Quran və ibadət haqqında mənə bir çox suallar verərdilər. Amma mən heç birinə cavab verə bilmirdim. Siz, mənə bunları öyrətməmişdiniz. Hətta mənim ölkəmdə dindarlıq ayıb idi. Məsələn litseydə dərs tədris edən bəzi müəllimlər dindarlığın, fanatizm, mürtəcelik olduğunu izah edir,ondan sonra dərsə başlayardılar.Uşaqlardan biri dindən bəhs etsə, istər müəllimlər olsun,istər şagirdlər həmin şagirdə lağ edərdilər,Hey,səfeh : "Neçənci əsrdəsən?"- deyərdilər..

Oruc tutmaq bir günah, Namaz qılmaq bir ayıb idi. Burada isə, vəziyyət tam tərsinədir. Nə qədər aldanmışıq? Nə qədər aldadılmısınız? Avropanın dinsiz olduğunu zənn edirdik.
Dinsizliyi irəlilik, dindarlığı gerilik sayardıq,halbuki,nə qədər yanılmısınız.Burada hər kəs dindən, imandan, İsadan bəhs edir,dinsizlər isə çox sevilmir.Əksərinin cibində incil var. Bütün bunların qarşısında içimdə bir boşluq hiss etdim. Xristiyanların əksəriyyəti ibadət edirdi,mən isə nə öz dinimdən, nə də onların dinindən bir şey bilirdim. .Yavaş-yavaş xristiyanlığı öyrənmək üçün