Maddi cəhətdən bu ailə daha təmin olunmuş olur. Bu isə o deməkdir ki, ər-arvad arasında pul üstündə mübahisə az-az baş verir.
Bu bir həqiqətdir ki, uşaq evdə həmişə anasından pul istəyər. «Əli aşağı» olan ana ilə övlad arasında həmişə nəyinsə alınması üstündə mübahisə düşür. İşləyən analar isə həm öz ürəyindən, həm də övladının ürəyindən keçənləri ala bilir. Bu həm atanın üzərindəki yükü azaldır, həm də valideynlə uşaqlar arasında xoş münasibət yaradır.

Evdar və heç vaxt işləməyən qadın bir növ qənaətcil olmur və pul qədri bilmir. Bəzən isə gərəksiz şeylərə pul verir, başqa yerlərdə ucuz olan bir şeyi ilk gördüyü yerdəcə baha qiymətə alır. Rəfiqələrinin və ya qonşu qadınların əynində təzə bir şey görəndə qanı qaralır və mütləq axşam ərinin də «aşına duz» qatır. İşləyən qadınsa pulun necə zəhmətlə qazanıldığını çox gözəl anlayır, maaşı necə xərclməyi bacarır.

1.İşləyən qadın evdar qadına nisbətən daha cavan, baxımlı və gözəl görünür.

2.İşləyən qadınla həyat daha maraqlı olur. Ən azı işdən sonra ər-arvad gün ərzində başlarına gələnləri danışırlar.

3.O ki, qaldı uşaqlara? Uşaqlar hər iki ailədə böyüyüb-başa çatır: istər qadın işləsin, istəyir evdar olsun. Əsas özünüzsünüz. Həyatı ürəyiniz kimi yaşamağa tələsin. O zaman övladlarınız da xoşbəxt olacaq!