Qonşuların “proqnozu” düz
çıxdı.Cavidgilə ömürlük həbs
cəzası verildi.Bir neçə insanın
həyatına son qoyulması və
cinayətin qrupla birlikdə
törədilməsi vəziyyəti
dəyişilməz etmişdi.Yəni
yalnız oğurluq və yaralama
olsaydı, yəqin ki, bir neçə
ildən sonra evinə qayıtmaq
şansı olardı.Günay bütün
bunları öz qulağıyla eşitsə də
(hadisədən bir gün sonra
televizorda da göstərdilər)
hələ də inana bilmirdi.Bir
dəfə də olsa onun xətrinə
dəyməyən, şahzadələr kimi
onun qulluğunda duran Cavidi
belə qanlı cinayət törədə
bilərdimi?
...Cəmi üç ay..Üç aydan sonra
Kamran dünyaya
gələcək.Onun gəlişini daha
əvvəlki kimi səbirsizliklə
gözləmirdi.Bu yaşında atasız,
təkbaşına oğul böyütmək ona
çox çətin olacaqdı.Kamran
hər dəfə atası haqda
soruşanda ona nə cavab
verəcək?
Bu bədbin fikirlərdən
qurtulmaq, başını bir işlə
qatmaq üçün mətbəxə yenicə
keçmişdi ki, qonşu qadının
səsini eşitdi.
-Salam ay qonşu, gəlmək
olar?-Bu, onlarla bir
mərtəbədə yaşayan Saranın
səsi idi.
-Buyurun, xoş gəlmisiz.Siz
əyləşin, mən indi gəlirəm.-
Günay onunla salamlaşıb
yenidən mətbəxə, çaydanı
qızdırmaqçün qayıtdı.
-Çimnaz xalanın harasa
getdiyi gördüm.Telman dayı
da yəqin ki, həmişəki kimi
işdədir.Bildim ki,
təksən.Darıxırsan.Gəldim bir
az söhbət edək.İşlərin
necədir?-Son cümləsinin
mənasız olduğunu özü də
anladı və tez sözü dəyişdi:-
Hamının başına gözlənilməz iş
gələ bilər.Elə məni
götürək.Üzdə deyib-
gülürəm.Çoxu elə bilir
arsızam, dünya vecimə
deyil.Tək özüm bilirəm nə
çəkdiyimi.Mən də atasız iki
oğul böyüdürəm.Düzdür,
mən yenidən ailə
qurdum.Amma nə mənası.Ərin
üzünü həftədə bir dəfə
görürəm.Evə ancaq gəldiyi
gün bazarlıq edir.Yerdə
qalan günləri nə yeyirik, nə
içirik vecinə də deyil.Üstünə
çox gedəndə də bilirsən nə
deyir?”Mən də ata olmaq
istəyirəm”.Bax, onun dərdi
budur.Guya ona uşaq doğsam,
evə daha çox
bağlanacaq.Bütün kişilər
eqoistdir.Yalnız özünü
düşünürlər..Mən də ona bir
dəfəlik sözümü
demişəm:-“Nə vaxt zəhmət
çəkib